Super Bowl 2026 stanie samaj darahoj tranślacyjaj u historyi. El Faninh budzie rekłamavać majanez, Łedzi Haha — čypsy, a Ema Stoŭn budzie płakać

Tradycyjna efir Super Bowl źjaŭlajecca samaj darahoj placoŭkaj dla rekłamy: za 30 siekund ekrannaha času kampanii płaciać ad $8 da 10 młn, a ŭvieś rekłamny invientar raspradajecca za paŭhoda da samaha mierapryjemstva.

Finał čempijanatu Nacyjanalnaj futbolnaj lihi (majecca na ŭvazie amierykanski futboł) Super Bowl 2026 adbudziecca 8 lutaha na stadyjonie Levi's Stadium u Santa-Kłary (štat Kalifornija).

U finale (Super Bowl LX) zhulajuć «Ńju-Inhłend Petryjots» i «Sietł Sichoks».

Sioleta samy čakany vystup na arenie — rok-hrupy Green Day, a cheadłajnieram Super Bowl stanie puertarykanski repier Bad Bunny, jaki ŭžo ŭ hetu niadzielu moža adchapić «Hremi».

Akramia taho, pierad matčam amierykanski himn vykanaje Čarli Put. Na scenu taksama vyjduć šmatrazovaja ŭładalnica statuetki «Hremi» Brenda Karłajł i R&B-vykanaŭca Kako Džons.

Čakałasia, što na mierapryjemstvie vystupiać Tejłar Śvift abo Adel, ale pieršaja nie damoviłasia z arhanizatarami pa finansavych umovach, a druhaja admoviłasia vystupać z-za «zanadta mocnaha akcentu šou na vidoviščnaść, a nie na muzyku».

Tranślacyja Super Bowl štohod stavić rekordy pa ŭvazie aŭdytoryi. Za minułahodnim turniram u pramym efiry sačyli 127,7 młn hledačoŭ u ZŠA, što zrabiła jaho samaj papularnaj teletranślacyjaj u historyi. U hetym hodzie arhanizatary čakajuć pieraadoleć płanku ŭ 130 młn.

Čakajecca rekłama ad Pepsico, jakuju źniaŭ novazieładziec Tajka Vajcici. Pavodle siužetu bieły miadźviedź budzie teścić koka-kołu i pepsi.

Budzie rekłama servisu dastaŭki ježy Uber Eats z akcioram Mećju Makkonachi. Łedzi Haha budzie rekłamavać nieruchomaść ad Rocket, a aktrysa El Faninh — majanez. 

Buduć taksama prarekłamavanyja čypsy Lays (akcior, dakładniej, jaho ruka trymajecca ŭ tajamnicy). Pringles prarekłamuje Sabryna Karpienter, jakaja taksama pretenduje na «Hremi» za najlepšuju piensiu.

Amierykanskaja kampanija pa stvareńni internet-sajtaŭ Squarespace źniała rekłamu z udziełam Emy Stoŭn. Nie dziva, što režysioram vystupiŭ Jorhas Łancimas, viadomy pa filmach «Niebaraki», «Buhonija», «Favarytka», «Zabojstva śviaščennaha alenia» i «Łobstar».

Siužet rolika, vykananaha ŭ stylistycy čorna-biełaha karotkamietražnaha kino i źniataha na plonku ŭ Łondanie, pakul trymajecca ŭ tajamnicy, ale ŭ tyziery byŭ pakazany dramatyčny kadr sa Stoŭn sa ślaźmi na vačach.

Pavialičyć

• 2
• 0
• 1
• 2
• 1
• 0
• 0
• 0