Biełaruska, jakaja vodzić tramvaj va Urocłavie, padčas źmieny vyratavała biazdomnuju košku i ciapier šukaje joj haspadaroŭ
Volha ŭ emihracyi asvoiła novuju dla siabie prafiesiju — kiroŭca tramvaja. Niadaŭna sa źmieny jana viarnułasia z čornym kacianiom.
Dla jaho vyratavańnia daviałosia arhanizavać nievialikuju apieracyju, a ciapier biełaruska dumaje, što rabić z hadavancam. Pra niezvyčajny rejs jana raskazała ŭ tyktoku, piša Most.
Ranicaj Volha vykonvała čarhovy rejs pa Urocłavie, kali ŭbačyła, što pamiž rejkami «lažyć niešta niezrazumiełaje».
— Ja dzyńknuła — i heta niešta niezrazumiełaje pabiehła, — raskazvaje jana.
«Niezrazumiełym» akazałasia čornaja koška, jakaja tak spałochałasia, što «saskočyła ŭ pravy bok na prajeznuju častku» i zalezła pad mašynu.
Volha vyskačyła z kabiny i pačała machać rukami žančynie, jakaja była za rulom aŭtamabila, kab taja nie ruchałasia. Kiroŭca razhubiłasia, nie viedajučy, što rabić. Volzie ž udałosia schapić žyviołu za chvost, i jana pačała chutka vyciahvać jaje z-pad mašyny.
— Kryčyć, supraciŭlajecca, šypić na mianie, — apisvaje biełaruska reakcyju koški.
Patrebny imia, parada i haspadary
Dastaŭšy žyviołu, Volha zadumałasia, što ź joj rabić. Uziać u kabinu nielha pa technicy biaśpieki: koška moža zabicca pad nohi abo ŭ piedali, adciahnuć uvahu i spravakavać avaryju.
Udałosia damovicca z adnoj z pasažyrak, kab jana patrymała kotku. Paralelna Volha patelefanavała dačce (taja jakraz była pa darozie ŭ škołu) i paprasiła pryjechać i zabrać žyviołu. Jana sustreła tramvaj jakraz na tym prypynku, dzie dziaŭčynie-pasažyrcy treba było vychodzić.
Tak čornaja koška apynułasia ŭ Volhi doma. Žyvioła vielmi chudzieńkaja i zusim maleńkaja — biełaruska ličyć, što kotcy čatyry-piać miesiacaŭ.
— Murčyć bieź pierapynku, — apisvaje jana.
U Volhi ŭžo žyvuć try katy. Pakul novaha hadavanca izalavali ŭ pieranosku, ale biełaruska zadumvajecca pra novy dom dla koški. Znajomyja rajać addać jaje ŭ prytułak, ale žančyna pakul nie moža na heta vyrašycca.
— Uvohule, nam patrebna imia. I parada. I, mahčyma, novyja haspadary, — zaklučaje jana.
Čamu YouTube vydaliŭ kanały BiełTA, STB i ANT? Voś što viadoma11
Kamientary