Na NTV vyjšaŭ čarhovy kavałak sieryjała. Na hety raz z kapitanam Dudkinym, doktaram Ščyhielskim i psichijatrami ź Instytuta imia Sierbskaha. Nazyvajecca jon: «Hrošy siamji Łukašenki».
Na NTV vyjšaŭ čarhovy kavałak sieryjała, pryśviečanaha kiraŭniku Biełarusi. Na hety raz z kapitanam Dudkinym, doktaram Ščyhielskim i psichijatrami ź Instytuta imia Sierbskaha. Nazyvajecca jon: «Hrošy siamji Łukašenki».
Čarhovaja sieryja filma apaviadaje pra biznes siamji Alaksandra Łukašenki. Stužka apaviadaje pra biznes-suviazi Viktara i Dźmitryja Łukašenkaŭ. Havorka idzie i pra aliharchaŭ Čyža i Piefcijeva, i pra pasadu Łukašenkavaj niaviestki Lilii.
Intervju dajuć były načalnik Upraŭleńnia MUS pa baraćbie z karupcyjaj Viačasłaŭ Dudkin, jaki zmušany byŭ uciačy z krainy paśla taho jak byli spynieny rasśledavańni karupcyjnych złačynstvaŭ z udziełam najvyšejšych čynoŭnikaŭ. Vystupajuć taksama departavany ź Biełarusi rasiejski pradprymalnik Ałan Plijeŭ, namieśnik dyrektara Instytuta krainaŭ SND, prapucinski palitołah Uładzimir Žarychin, były śledčy prakuratury, a ciapier pravaabaronca Aleh Voŭčak.
Daje Łukašenku žaru były pałkoŭnik śpiecnaza Baradač. «U nas u krainie kiruje nie zakon, a pachan», — hrymieŭ jon.
Departavany ź Biełarusi žurnalist Michał Padalak raskazvaje pra žančyn Łukašenki. A departavany palitołah Andrej Suzdalcaŭ nazyvaje vybuch 3 lipienia 2008 hoda vynikam baraćby Viktara Šejmana j Viktara Łukašenki.
U filmie pryvodziacca j vytrymki z zaklučeńnia psichijatra Źmitra Ščyhielskaha, jakoje było zroblena bolš jak 10 hadoŭ tamu, — psichijatr byŭ vymušany emihravać ź Biełarusi. Znakamity dyjahnaz Ščyhielskaha — mazaičnaja psichapatyja — kamientujuć daktary z maskoŭskaha Instytuta psichijatryi imia Sierbskaha.
U Biełarusi hety film pierakryli, jak i papiarednija. Zamiž «Mazaičnaha baćki» biełaruskaje NTV demanstravała pieradaču pra rasiejskaha akciora Michała Bajarskaha, viadomaha postsavieckamu hledaču ŭ roli d'Artańjana.
A ŭ filmie NTV upieršyniu pajaŭlajecca patencyjny kandydat u prezidenty Biełarusi Uładzimir Niaklajeŭ.
Treci film praciahvaje liniju pieršych dvuch:
Čamu YouTube vydaliŭ kanały BiełTA, STB i ANT? Voś što viadoma11
Kamientary