Janukovič razmaŭlaŭ ź Sidorskim pra nieabchodnaść demakratyčnych źmienaŭ
Padčas svajho vizytu ŭ Vašynhton ukrainski premjer vykazaŭ zakłapočanaść stanam demakratyi ŭ našaj krainie
Padčas svajho vizytu ŭ Vašynhton ukrainski premjer vykazaŭ zakłapočanaść stanam demakratyi ŭ Biełarusi.
«Ukrainu niepakoić pytańnie raźvićcia demakratyi ŭ Biełarusi», zajaviŭ premjer-ministar Ukrainy.
Adkazvajučy na pytańni paśla svajho vystupu ŭ Centry stratehičnych i mižnarodnych daśledavańniaŭ u Vašynhtonie, jon adznačyŭ, što hutaryŭ nakont hetaha z premjer-ministram Biełarusi Siarhiejem Sidorskim pad čas pasiedžańnia kiraŭnikoŭ uradaŭ krain SND u Miensku.
«Biełarusy sami adčuvajuć nieabchodnaść demakratyčnych źmienaŭ i, na maju dumku, jany buduć prachodzić evalucyjna», - skazaŭ Janukovič.
Jon padkreśliŭ, što «biełaruskaje hramadztva zdarovaje». «Ja viedaju, tam mocny narod i jon pieramoža prablemy, što stajać pierad im», – skazaŭ premjer-ministar Ukrainy.
Viktar Janukovič adznačyŭ, što dačynieńni Ukrainy i Biełarusi budujucca na pryncypie ŭzajemavyhady, a palityka Biełarusi što da Ukrainy – družnaja, stabilnaja i dobrasusiedzkaja
Čamu YouTube vydaliŭ kanały BiełTA, STB i ANT? Voś što viadoma11
Kamientary