DAI śćviardžaje, što dypłamat byŭ pjany.
Ataše pasolstva Respubliki Italija ŭ Biełarusi Maŭrycya Kračateli zatrymany supracoŭnikami dziaržaŭtainśpiekcyi za kiravańnie aŭtamabilem u stanie ałkaholnaha apjanieńnia. Jak paviedamili ŭ HUUS Minharvykankama, u subotu 2 lipienia ŭvahu supracoŭnikaŭ DAI pryciahnuła prestyžnaja mašyna «Aŭdzi Q7», kiroŭca jakoj vidavočna znachodziŭsia ŭ stanie ałkaholnaha abo narkatyčnaha apjanieńnia. Samaje dziŭnaje, što na mašynie byli dypłamatyčnyja numary.
Pryblizna ŭ 6.30 ranicy, nasuprać doma 76 pa praśpiekcie Mašerava kiroŭca dypłamatyčnaha aŭtamabila byŭ zatrymany. Pry pieršym ža znajomstvie z kiroŭcam padazreńni adnosna jaho stanu paćvierdzilisia. Supracoŭniki DAI jašče bolš ździvilisia, kali pravieryli dakumienty zatrymanaha. Im byŭ ataše pasolstva Respubliki Italija ŭ Respublicy Biełaruś Maŭrycya Kračateli. Pry hetym dypłamat pavodziŭ siabie ź inśpiektarami aburalna i, karystajučysia svajoj dypłamatyčnaj niedatykalnaściu, nie tolki admoviŭsia ad miedycynskaha ahladu, na što mieŭ poŭnaje prava, ale navat nie staŭ pakazvać svajo paśviedčańnie kiroŭcy.
Niahledziačy na heta, inśpiektarami ŭ dačynieńni da dypłamata byŭ składzieny pratakoł ab administracyjnym pravaparušeńni pa art. 18.16 KaAP (kiravańnie transpartnym srodkam asobaj, jakaja znachodzicca ŭ stanie ałkaholnaha apjanieńnia abo ŭ stanie, vyklikanym užyvańniem narkatyčnych srodkaŭ, psichatropnych, taksičnych abo inšych adurmańvalnych rečyvaŭ, abo pieradača kiravańnia transpartnym srodkam takoj asobie, a taksama admova ad prachodžańnia va ŭstalavanym paradku pravierki (ahladu) na pradmiet vyznačeńnia stanu ałkaholnaha apjanieńnia abo stanu, vyklikanaha ŭžyvańniem narkatyčnych srodkaŭ, psichatropnych, taksičnych abo inšych adurmańvalnych rečyvaŭ). Adpaviednaja infarmacyja pra pavodziny dypłamata pieradadzienaja ŭ MUS i pasolstva Italii ŭ Minsku.
Čamu YouTube vydaliŭ kanały BiełTA, STB i ANT? Voś što viadoma11
Kamientary