Arhanizatar akcyi na «dzień jadnańnia Biełarusi i Rasiei» Siarhiej Skrabiec: «Heta dakor uładam i apazycyi, jakija abjadnalisia ŭ antyrasiejskaj palitycy». Hienerał Frałoŭ: «Na žal, naša prapanova sutyknułasia ź nieŭrazumieńniem, asabliva z boku maładziejšych».
Byłyja deputaty Pałaty pradstaŭnikoŭ Valery Frałoŭ i Siarhiej Skrabiec 12 sakavika padali ŭ Mienharvykankam zajaŭku na praviadzieńnie šeścia ŭ honar Dnia jadnańnia narodaŭ Biełarusi i Rasiei 2 krasavika. Palityki paprasili ŭ Mienharvykankamie dazvołu na šeście ad Pałacu Respubliki da parku imia Horkaha i śviatočny kancert u samim parku.
Siarhiej Skrabiec nastupnym čynam prakamentavaŭ hetuju padzieju: «Hałoŭnaja meta akcyi 2 krasavika – spynić hetuju palityku vajny, jakuju viadzie biełaruskaja ŭłada z bratniaj nam Rasiejaj. U našych narodaŭ nia musiać być drennyja adnosiny, našy narody nie pavinny pakutavać ad taho, što kiraŭniki dziaržavaŭ nia mohuć damovicca miž saboj. Ja liču, što taksama praviadzieńnie hetaj akcyjaj my budziem stavić u dakor i biełaruskaj apazycyi, jakaja faktyčna abjadnałasia z uładaj u antyrasiejskaj palitycy. Ja liču, što na dadzieny momant nie isnuje pahrozy biełaruskaj niezaležnaści, a isnuje pahroza łukašyzmu. Pra heta samaje ŭ turmie kazaŭ mnie i Alaksandar Kazulin. My musim siabravać z Rasiejaj, dla taho i ładzicca hetaja akcyja».
Vykazaŭ svoj punkt pohladu i hienerał Valer Frałoŭ:
«Nam prosta treba razabracca, ci było nasamreč abjadnańnie, treba vyśvietlić urešcie, što nas abjadnoŭvaje, a što raźjadnoŭvaje. Rasieja zaŭsiody akazvała dapamohu Biełarusi, pryčym rabiła heta systemna i rehularna, u adroźnieńnie ad ZŠA ci Eŭropy. Biada ŭ tym, što biełaruskija ŭłady nia mohuć efektyŭna skarystacca z hetaj dapamohi. U mianie źjaviłasia adčuvańnie, što ŭ Rasiei pačynajuć mianiacca pohlady, što da Biełarusi. Rasiei ŭ vyhladzie Biełarusi patrebien mocny i niezaležny chaŭruśnik, a nie kraina ź niepradkazalnym kiraŭnikom. Mnie śmiešna, kali zaraz pačynajuć kryčać, što Rasieja maje niejkija imperskija ambicyi i ŭsio takoje, ja dumaju, što zamiežnaja palityka hetaj krainy stanovicca z kožnym hodam usio bolš pradumanaj i hłybokaj. Nas abjadnoŭvaje supolnaja historyja, ekanomika i bahata što jašče. Učora ja telefanavaŭ niekatorym siabram-palitykam u Rasiei, jany zhodnyja padtrymać našu inicyjatyvu, ale pakul rana nazyvać niejkija proźviščy. Naša akcyja nia jość dakoram pracy tak zvanaj «tradycyjnaj apazycyi», u joj taksama šmat razumnych i razvažlivych chłopcaŭ. Naša akcyja nie spadabajecca chiba što tolki peŭnym pravadyram apazycyi, jakija, ja liču, nie da kanca samastojnyja ŭ svajoj palitycy. Ja razmaŭlaŭ ź Laŭkovičam i Ŭchnalovym, dyk jany schilajucca, kab padtrymać nas 2 krasavika. Nijakich novych prarasiejskich ruchaŭ nia budzie, jany prosta ŭžo ŭsim nadakučyli. I ja stvaraŭ bahata ruchaŭ, i Milinkievič stvaraje, i Labiedźka. Tołku ad ich mała, tamu ničoha novaha stvarać nia budziem. Pakul ciažka skazać nakolki masavaj budzie hetaja akcyja, ale praca pa hetym nakirunku viadziecca. Dakładna skažu, što buduć prynahodnyja nalepki i ŭlotki. Razam z tym, na žal, mušu kanstatavać, što šmat u kaho, asabliva z maładziejšych, naša prapanova sutyknułasia ź nieŭrazumieńniem, ale budziem pracavać i ź imi».
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ18
Kamientary