Stvaralnik biełaruskamoŭnych škoł i sieminaryj, a paśla navukoviec u śfiery kasimičnych technałohij pryjšoŭ na śviet u 1910 hodzie.
Navukoviec naradziŭsia ŭ 1910 h. u Pieciarburhu, dzie pracavaŭ jahony baćka, potym siamja viarnułasia na Navahradčynu.
Vykładaŭ u Vilenskaj biełaruskamoŭnaj himnazii matematyku, u 1939 h. byŭ jaje dyrektaram, potym uznačaliŭ Navahradskuju biełaruskamoŭnuju himnaziju. Padčas niamieckaj akupacyi arhanizavaŭ biełaruskamoŭnyja škoły ŭ Lebiedzievie, nastaŭnickuju sieminaryju ŭ Pastavach, Maładziečanskuju handlova-administracyjnuju škołu, navučańnie ŭ jakoj vyratavała ad prymusovaha vyvazu ŭ Niamieččynu niekalki dziasiatkaŭ, kali nie socień junakoŭ. Aryštoŭvaŭsia niemcami, siadzieŭ u viaźnicy. Cudam uniknuŭ śmiarotnaha pakarańnia.
Ź leta 1944 h. na emihracyi, u studzieni 1948 h. pierabraŭsia ŭ ZŠA, pasialiŭsia ŭ Saŭt-Ryviery, spryčyniŭsia da zasnavańnia novaj biełaruskaj kałonii ŭ hetym haradku, byŭ adnym z kiraŭnikoŭ Złučanaha biełaruska-amierykanskaha dapamahovaha kamiteta. Potym vyjechaŭ u Kaliforniju, dzie adyšoŭ ad hramadskaj dziejnaści, ale ŭščylnuju zaniaŭsia daśledavańniami ŭ kaśmičnaj halinie. Padrychtavaŭ padručnik ab palivie dla rakietnych ruchavikoŭ.
U 1972 h. pierajechaŭ z ZŠA ŭ Niamieččynu, u Frankfurt-na-Majnie. Zaraz pražyvaje ŭ domie dla starych ludziej. Tamtejšyja biełarusy siońnia pryjeduć da jaho, kab pavinšavać z narodzinami.
Ciapier čytajuć
Čamu YouTube vydaliŭ kanały BiełTA, STB i ANT? Voś što viadoma23
Kamientary