Z usioj krainy

z usioj krainy

Atrutnyja hrybočki

Na Bieraściejščynie 37% abśledavanych hryboŭ i 6% lasnych jahadaŭ vyjavilisia niaŭježnymi z-za vysokaha ŭtrymańnia ceziju. Asabliva šmat zabrudžanych daroŭ lesu na terytoryi Žabinkaŭskaha, Kamianieckaha, Małaryckaha, Pružanskaha rajonaŭ.

105 lišnich pančošnikaŭ

U Bieraści raście biespracoŭje. Tolki ŭ adździele adukacyi Maskoŭskaha rajonu skaročany 93 čałavieki. 105 “lišnich pracoŭnych adzinak” znajšłosia na Bieraściejskim pančošnym kambinacie. Kolkaść ža vakansijaŭ, zarehistravanych u haradzkim centry zaniataści, z pačatku hodu skaraciłasia z 2000 da 915.

Zamova za 10 tysiač

Bieraściejskija paštaviki prydumali čarhovy vid pasłuhaŭ: luby klijent, zapłaciŭšy “ŭsiaho” 10 tys. rubloŭ za adnyja sutki, moža pakarystacca zamiežnymi katalohami nakštałt “Otto” ci “Quelle” dy vybrać zamovu na svoj hust. Znachodziacca j tyja, što zamaŭlajuć, ale za takija hrošy možna nabyć što tannaje ŭ miascovaj kramie ci na rynku.

I.Chviedarovič, Bieraście

Pierasialili ŭ adnapakajoŭku

Raźvitaŭsia sa svajoj trochpakajoŭkaj žychar Ivacevič, pensijaner V.Maźko. Rajsud vysieliŭ jaho, bo jon dva hady nie płaciŭ za žytło. Adnak jaho nia vykinuli na vulicu — dali adnapakajoŭku biez kamunalnych vyhodaŭ. Navat padahnali hruzavik, kab pensijaner pieravioz svaje rečy. Miascovyja kamunalniki kažuć, što zapazyčanaść pa kvartpłacie ŭ Ivacevičach składaje bolš za 20 młn. rubloŭ.

Šašłyki narabili biady

Było ŭ Ivacevičach viasielle. Stały hnulisia ad roznych stravaŭ, ale haspadary zachacieli jašče pačastavać haściej šašłykami. Kali kavałački jałavičyny smažylisia na ahni, na ich linuli śpirtu. Pyrski trapili na sukienku adnoj hości. Adzieńnie zaharełasia. Z apiokami tvaru i ruk kabieta trapiła ŭ reanimacyju rajonnaj bolnicy.

Aleś Łaŭraniuk, Ivacevičy

Niedaloka adjechała

Siarod nočy ŭ žychara Litvy ckrali “Aŭdzi-100”. Pakinuŭ haspadar aŭto la vioski Słabodki Astravieckaha rajonu niezamknionym i z klučami ŭ zamku zapalvańnia. “Pakatacca” vyrašyła 25-hadovaja miascovaja žycharka. Jana siarod nočy pierakuliłasia na skradzienym aŭtamabili.

Tut budzie škoła-sad

U novym navučalnym hodzie, zhodna z rašeńniem Smurhonskaha rajvykankamu, buduć začynienyja 2 škoły i stolki ž rearhanizavana. U Vałejkavičach zamiest dzieviacihodki budzie pačatkovaja škoła. Na bazie Śvirydavickaj zrobiać škołu-sad. U vioscy Čuchny z-za nievialikaj kolkaści dziaciej začyniać pačatkovuju škołu. Začyniać i Śnihianskuju bazavuju škołu. Dziaciej pieraviaduć u Solskuju SŠ. Jeździć na zaniatki jany buduć na školnym aŭtobusie, jaki niadaŭna kupili.

Suviaź palepšaje

Smurhonski RVES planuje pavialičyć kolkaść telefonnych abanentaŭ da 500. Na vioskach užo ŭstalavana 20 telefonaŭ, u horadzie — 250. U chutkim časie ŭ Višnievie stvorać novuju ličbavuju stancyju na 200 numaroŭ. Z Žodzišak prakładuć novuju vałakonna-aptyčnuju liniju da samych Smurhoniaŭ. Hetyja novaŭviadzieńni palepšać jakaść suviazi.

Marjan Vianhroŭski, Astraviec

Chlebnaja vendeta

Horackija ŭłady zabaranili aršanskamu chlebazavodu i pradprymalnikam handlavać chlebam na svaim centralnym kirmašy paśla taho, jak aršanski vykankam zrabiŭ toje samaje ŭ dačynieńni da horackich pradprymalnikaŭ. Ciapier horackim aŭtakramam z chlebam, jakija pryjeduć u Voršu, mohuć paprabivać koły, tym samym zmušajučy handlaroŭ atrymlivać licenziju i nabyvać šapik. Žychary Horak niezadavolenyja tym, što rajvykankam prymušaje ich jeści horacki chleb: aršanski byŭ tańniejšy.

Natalla Kirajenkava, Horki