U šaści hulniach biełarusy zavajavali siem punktaŭ — try pieramohi, adna ničyja, dźvie parazy. Zaniaŭšy druhoje miesca ŭ padhrupie, napierad jany prapuścili zbornuju Vuhorščyny. U subotu 22 studzienia ŭ svaim apošnim matčy hadavancy Spartaka Miranoviča ŭ Mienskim pałacy lohkaj atletyki pierajhrali zbornuju Kipru ź likam 36:26, tryma dniami raniej kipryjoty ŭ Nikasii byli abyhranyja ź likam 42:21.
A jašče na pačatku studzienia, da startu kvalifikacyjnaha raŭndu, šancy biełarusaŭ na pośpiech razhladalisia jak nievialikija. Zbornaja Kipru — adviečnyja aŭtsajdery — pad uvahu nia bralisia. Pieršaje miesca zahadzia addavałasia paŭfinalistam Alimpijady-2004 — vuhorcam.
Postsacyjalistyčnaja Vuhorščyna, suvymiernaja z nami pa kolkaści nasielnictva, u adroźnieńnie ad Biełarusi zdoleła zachavać i mocnuju zbornuju, i niakiepski klubny handboł.
U zbornaj Biełarusi nadvorje robiać lehijanery, a klubny handboł słabavaty. U Lizie čempijonaŭ BHK imia Miaškova ŭ svajoj padhrupie spraviadliva zaniaŭ apošniaje miesca. U inšych eŭrakubkach bolšaść biełaruskich klubaŭ pavylatali na pieršym etapie.
Na druhoje miesca ŭ našaj padhrupie stavili italjancaŭ. Da taho ž zhadvałasia minułaja kvalifikacyja da čempijanatu śvietu — kali ŭ rodnych ścienach biełarusy pieramahli, ale ŭ haściach sastupili patrebnuju roźnicu ŭ liku. I tady, i ciapier zbornaja Italii razhladałasia ŭ jakaści hałoŭnaha supiernika biełarusaŭ.
Ale ŭ mienskim matčy, što prajšoŭ u Pałacy lohkaj atletyki 12 studzienia, biełarusy pierakanaŭča pieramahli «skuadru adzuru» — 35:24. Vyrašalny ŭniosak u pieramohu zrabili akurat lehijanery — Ivan Broŭka dy Siarhiej Harbok z zaparoskaha ZTR, jakija zakinuli pa dziesiać i siem miačoŭ adpaviedna. Ciapier zastavałasia nie prajhrać z roźnicaj u 11 miačoŭ u matčy ŭ adkaz. Biełarusy ŭ San-Vita-de-Toljamenta vytrymali — 20:20.
Poŭny varyjant čytajcie ŭ papiarovaj i pdf-versii hazety "Naša Niva"
Ciapier čytajuć
Čamu YouTube vydaliŭ kanały BiełTA, STB i ANT? Voś što viadoma12
Kamientary