Каб заахвоціць моладзь атрымаць супрацькавідную прышчэпку, ізраільскі бар вырашыў прапаноўваць наведвальнікам бясплатны алкаголь. Цяпер у бары Jenia, што ў Тэль-Авіве, кожны, хто прайшоў вакцынацыю, зможа атрымаць задарма піва ці міні-кактэйль. Гэта сумесная ініцыятыва кіраўнікоў бара, клінікі Іхілаў і медыцынскай службы «Маген Давід Адам» (ізраільскі эквівалент «Чырвонага крыжа»).
33% насельніцтва Ізраіля ўжо прайшлі вакцынацыю супраць кавіду, аднак мясцовая моладзь не надта актыўна ўдзельнічае ў гэтай кампаніі. Толькі 30% моладзі, якія па крытэрах падыходзяць для вакцынацыі, прайшлі яе на гэты момант.
Больш за тое, у апошнія тыдні 75% новых выпадкаў кавіду прыходзілася на людзей, маладзейшых за 39 год, піша 20 minutes.
Іншыя мясцовыя ўстановы таксама спрабуюць зацікавіць людзей. Яны прапануюць за вакцынацыю цукеркі ці нацыянальныя стравы.
Разам з тым ізраільскі ўрад нядаўна распачаў шэраг інтэнсіўных інфармацыйных кампаній, каб заахвоціць людзей зрабіць прышчэпку.
Інфекцыяністы бачаць сітуацыю так: чым больш людзей будзе вакцынавана, тым хутчэй краіна вернецца да нармальнага жыцця.
Сейчас читают
Бывший муж блогерки, которая вместе с 17‑летним женихом шиковала на собранные для больного ребенка деньги, раскритиковал тех, кто эти деньги ей переводил12
Комментарии