Прэзыдэнт Польшчы Браніслаў Камароўскі разам з жонкай запалілі мінулай ноччу ў акне прэзідэнцкага палаца зніч у знак салідарнасці зь беларускімі палітвязнямі.
Сімвалічная свечка памяці была запаленая ў гадавіну ўвядзення ў Польшчы ваеннага становішча (ноч з 12 на 13 снежня 1981 года). Сам цяперашні прэзідэнт Браніслаў Камароўскі быў тады інтэрнаваны.
«Я б вельмі хацеў, каб успамінаючы тую цяжкую, балючую, а часам і драматычную ноч, мы ўсе падумалі над лёсам палякаў і ўсіх тых, хто надалей вымушаны змагацца за сваю свабоду», — заявіў прэзідэнт Камароўскі.
Запаліць знічы, а 19.30 польскага часу(а ў часе ваеннага становішча так рабілі мільёны палякаў, каб падтрымаць «Салідарнасць» і дэманструючы адначасова ігнараванне выпуску навінаў на дзяржаўным тэлеканале, які акурат пачынаўся, а 19.30), прэзідэнт Камароўскі заклікаў і ўсіх палякаў.
Цяпер чытаюць
З YouTube выдалілі каналы БелТА, СТБ і АНТ. Улады пагражаюць контрмерамі44
Каментары