Найбліжэйшым часам урад Кіпра распарадзіцца пра пачатак крымінальнага расследавання для высвятлення прычын таго, што прывяло банкаўскую сістэму краіны на грань банкруцтва,
заявіў прэзідэнт рэспублікі Нікас Анастасіядзіс увечары ў панядзелак у тэлезвароце да нацыі.
У ноч з нядзелі на панядзелак ён дасягнуў пагаднення з Еўрасаюзам і МВФ пра параметры антыкрызіснага пакета для Кіпра, што забяспечыла прадстаўленне міжнароднымі крэдыторамі дапамогі астраўной дзяржаве ў аб’ёме 10 млрд еўра і дазволіла пазбегнуць дэфолту краіны.
«Нягледзячы на горыч і расчараванне, якія мы ўсе адчувалі праз пазіцыю некаторых нашых партнёраў, я не лічу, што выхад нашай краіны з еўрапейскай сям’і быў бы адказам на гэты крызіс».
Кіраўнік дзяржавы паведаміў, што ЦБ Кіпра, на аснове ўжо прынятых парламентам законаў, з аўторка «ўводзіць некаторыя абмежавальныя меры» ў дачыненні да фінансавых аперацый. Аднак ён паспяшаўся запэўніць, што «гэта будуць часовыя меры, якія мы паступова паслабім».
Каментары