«Тушонку, мыла і запалкі з соллю запасаць не трэба». Пад такім загалоўкам выйшла інтэрв'ю расійскага прэм'ера Дзмітрыя Мядзведзева ў сённяшнім нумары «Комсомольской правды». Прэм'ер-міністр перакананы, што такога крызісу, як 2008 годзе, у Расіі ў бліжэйшы час не будзе.
«Усе павінны жыць па сродках», — раіць Мядзведзеў і нагадвае аб тым, што дзяржаўны доўг краіны — толькі 10 адсоткаў ВУП. У адказ на пытанне аб залежнасці Расіі ад вуглевадародаў прэм'ер кажа, што нафтавая эканоміка — гэта не так дрэнна, і заяўляе, што апошніх 14 гадоў не хапіла на тое, каб яе пераарыентаваць.
Зрэшты, не толькі пра эканоміку разважае Мядзведзеў.
«Мае калегі, не буду іх называць, праводзілі над сабой страшны эксперымент. Яны пілі кефір, пілі лекі, пілі квас. І дыхалі ў алкатэстар. Жудасць!»,— кажа Мядзведзеў. Аднак, па словах прэм'ера, прыбор так нічога і не знайшоў.
Працаваць старшынёй урада не лягчэй, чым прэзідэнтам, мяркуе Мядзведзеў.
Каментары