«Мы заклапочаныя запалохваннем, адвольным арыштам і затрыманнем некалькіх дзясяткаў прадстаўнікоў грамадзянскай супольнасці і апазіцыйных арганізацый напярэдадні чэмпіянату свету па хакеі ў Беларусі», — гаворыцца ў распаўсюджанай 16 мая заяве прэс-сакратара Еўрапейскай службы знешняга дзеяння з нагоды затрымання ў Беларусі больш як 30 грамадскіх і палітычных актывістаў.
«Мы асуджаем выкарыстанне беларускімі ўладамі адміністрацыйнага затрымання як інструмента ціску, стварэння атмасферы страху і няпэўнасці для маладога пакалення жыхароў Беларусі», — адзначаецца ў дакуменце.
Еўрасаюз заклікаў улады Беларусі «неадкладна спыніць гэтыя дзеянні і адпусціць усіх несправядліва затрыманых, зняўшы з іх усе абвінавачанні». «Таксама мы зноў заклікаем да неадкладнага і безумоўнага вызвалення і рэабілітацыі ўсіх палітычных зняволеных», — гаворыцца ў заяве.
Падкрэсліваецца, што «гатоўнасць ЕС да далейшага развіцця адносін з Беларуссю застаецца абумоўленай канкрэтнымі крокамі Беларусі ў накірунку дэмакратыі, правоў чалавека і вяршэнства права».
Нагадаем, напярэдадні адкрыцця і падчас чэмпіянату свету па хакеі ў Беларусі прайшлі масавыя затрыманні і арышты грамадскіх актывістаў. Згодна з заявамі праваабаронцаў, было затрымана і асуджана прыкладна 30 чалавек, прычым пераважная большасць — прэвентыўна, на падставе сфабрыкаваных і аднатыповых абвінавачанняў у дробным хуліганстве і непадпарадкаванні супрацоўнікам міліцыі.
Варта заўважыць, што, паводле слоў актывіста маладзёжнага крыла Партыі БНФ Мікалая Бабушкіна, які вызваліўся 14 мая са сталічнага цэнтра ізаляцыі правапарушальнікаў, напярэдадні чэмпіянату было затрымана і асуджана значна больш людзей.
Цяпер чытаюць
У міліцэйскім конкурсе прыгажосці перамагла амапаўка, якая ў 2020 годе разганяла пратэсты42
Каментары