Марадона быў у спісе імаверных трэнераў зборнай Беларусі, але стаў Хацкевіч
Сёння выканкам Беларускай федэрацыі футбола зацвердзіў імя новага галоўнага трэнера нацыянальнай каманды.
Ім стаў трэнер украінскага «Дынама-2» (другі дывізіён), славуты беларускі паўабаронца Аляксандр Хацкевіч.
Першы намеснік БФФ Сяргей Сафар’ян паведаміў, з кім яшчэ вяліся перамовы на пасаду трэнера. Усяго было ў спісе магчымых прэтэндэнтаў каля 30 прозвішч.
«У прэсе перамовы асвятляліся падрабязна. Дзесьці праўдзіва, дзесьці не вельмі перамовы на пасаду новага трэнера», — адзначыў старшыня БФФ Сяргей Румас.
«Былі актыўныя перамовы з Леанідам Кучуком. Мы не для птушачкі сустракаліся з Віктарам Ганчарэнкам, яму была зробленая прапанова. Разглядаўся яшчэ шэраг кандыдатур з блізкага замежжа. На нас выходзіў агент Алега Блахіна. Анатоль Дзям’яненка. Праз агентаў былі самыя розныя прапановы ад Анціча да Марадоны», — сказаў Сяргей Сафар’ян.
Хацкевіч паведаміў, што сярод памочнікаў у штабе зборнай будзе адзін замежнік. Прычым не з блізкага замежжа. Некаторыя сябры выканкама выказвалі думку, што Хацкевіч не бачыць пакуль што канкрэтнай стратэгіі развіцця зборнай, таму яго трэба зацвердзіць у якасці выканаўцы абавязкаў.
Аднак у выніку галасавання 18 чалавека прагаласавалі за кандыдатуру Хацкевіча, устрымаўся толькі адзін чалавек (Яўген Трацюк з Брэста), супраць не было нікога. Зборная Беларусі атрымала новага галоўнага трэнера.
Чытайце: Пяць фактаў пра новага галоўнага трэнера футбольнай зборнай Аляксандра Хацкевіча
-
Уладальнік «МЛ Віцебск» пра мэты клуба: Выйграць чэмпіянат, Кубак і Суперкубак, а таксама прайсці ў групавы этап аднаго з еўракубкаў
-
Амерыканскі фігурыст выканаў на Алімпіядзе элемент, які 50 гадоў быў забаронены, — за яго не даюць балаў, але гледачы ў захапленні ВІДЭА
-
Украінец будзе змагацца за «шлем памяці» на Алімпіядзе. Хто на ім — поўны спіс
Цяпер чытаюць
Эйсмант: Лукашэнка не зможа паляцець на Саміт міру ў ЗША, бо паветраная прастора Еўропы для яго закрытая17
Каментары