Стаянкі такога тыпу прызначаныя для іншагародніх, якія працуюць у сталіцы.
У раёне станцый метро «Барысаўскі тракт», «Аўтазаводская» і «Малінаўка» з’явіліся перахопныя стаянкі, паведамляе «Мінск-навіны».
Стаянкі па адрасах пр. Незалежнасці, 165 і вул. Радыяльная, 18 і вул. Напалеона Орды, 32а змяшчаюць да 200 машын. З 7 раніцы да 19 вечара яны каштуюць па 500 рублёў на гадзіну, з 19 да 7 — 1400 рублёў на гадзіну.
Яны прызначаныя для кароткатэрміновага захавання машын, уладальнікі якіх пражываюць за МКАДам, але працуюць ці прыязджаюць па справах у Мінск. Стаянкі дазволяць пакінуць машыну і дабірацца да патрэбных месцаў на метро і грамадскім транспарце — фактычна, «перахапіць» частку аўтамабіляў на ўездзе ў горад.
***
За мяжой такія стаянкі носяць назву Park-and-Ride, падобная практыка нарадзілася ў Кітаі ды добра сябе зарэкамендавала ў Еўропе і ЗША. На кітайскіх Park-and-Ride кіроўцам першапачаткова прапаноўвалася пакідаць ровар ды перасаджвацца на метро, а па выхадзе з метро арэндаваць іншы ровар. З ростам колькасці машын з’явіліся і аўтамабільныя Park-and-Ride.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі26
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4242
Каментары