29 красавіка камітэт па працы, занятасці і сацыяльнай абароне Мінгарвыканкама праводзіць у сталіцы агульнагарадскі кірмаш вакансій «Знайдзі сваю працу. Выбар ёсць заўсёды», паведамілі ў прэс-службе Мінгарвыканкама.
Кірмаш адбудзецца з 10.00 да 13.00 у культурна-спартыўным цэнтры УП «Мінскае аддзяленне Беларускай чыгункі» (Палацы чыгуначнікаў, вул. Чкалава, 7).
«Мерапрыемства накіраванае на садзеянне грамадзянам у пошуку працы і ўкамплектаванні кадрамі прадпрыемстваў сталіцы», — зазначылі ў прэс-службе.
У кірмашы возьмуць удзел каля 70 арганізацый розных сфер дзейнасці, а таксама навучальныя ўстановы, якія дапамогуць вучням школ вызначыцца ў выбары будучай прафесіі.
Колькасць заяўленых наймальнікамі вакансій склала 3,3 тыс., з іх 79% — для рабочых. У галіновым разрэзе пераважаюць вакансіі арганізацыі аховы здароўя і аказання сацыяльных паслуг, прамысловасці, будаўніцтва. Сярэдні ўзровень аплаты па заяўленых вакансіях складае 4,7 млн. рублёў, ці 55% ад сярэдняй заработнай платы ў лютым 2015 года (8,6 млн. рублёў).
У межах мерапрыемства грамадзяне змогуць атрымаць кансультацыі па пытаннях заканадаўства ў сферы занятасці насельніцтва, навучання беспрацоўных, прайсці экспрэс-дыягностыку прафесійных здольнасцяў, азнаёміцца з тэхналогіямі пошуку працы.
З удзелам прадстаўнікоў арганізацый, кіраўніцтва камітэта па працы, занятасці і сацыяльнай абароне Мінгарвыканкама пройдзе круглы стол «Узаемадзеянне і партнёрства — шлях падтрымання сацыяльнай стабільнасці на рынку працы».
Цяпер чытаюць
Што Бабарыка і Калеснікава адказалі на пытанні пра вайну92
Каментары