У Магілёве 4 мая адбылося ўрачыстае адкрыццё новага прычала на Дняпры.
Як было адзначана на цырымоніі адкрыцця, у Магілёве раней, у пачатку мінулага стагоддзя, была прыстань на Дняпры.
«Новы прычал — гэта адзінае інжынернае збудаванне такога ўзроўню ў акваторыі Дняпра ад Шклова да Быхава. Да яго стварэння прыклалі свае намаганні і прафесіяналізм работнікі нашых камунальных прадпрыемстваў», — заявіў старшыня Магілёўскага гарвыканкама Уладзімір Цумараў. Ён адзначыў, што з'яўленне новага прычала ў горадзе дасць дадатковы стымул для развіцця турызму. «І ў перспектыве ў Магілёва будуць усе шансы заняць ганаровае месца сярод водных турыстычных маршрутаў Беларусі»,— сказаў чыноўнік.
Прычал разлічаны на тры катары. Ад яго магіляўчане і госці горада змогуць рабіць водныя экскурсіі па Дняпры, любавацца мясцовымі пейзажамі і гарадской забудовай.
Да адкрыцця новай прыстані, будаўніцтва якой пачалося летась, Магілёўскі гарадскі савет дэпутатаў даў назву набярэжнай. Ад гасцініцы «Турыст» да назіральнай пляцоўкі яна цяпер мае імя Воінаў-інтэрнацыяналістаў, а ад назіральнай пляцоўкі да моста цераз Днепр па Пушкінскім праспекце завецца Траецкай набярэжнай.
-
Памёр бізнэсмен з 90-х Аляксандр Сманцар. Гэта ён у 2010 званіў Статкевічу на Плошчу і заклікаў «сядаць у крэсла Сідорскага»
-
Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер
-
Нямецкі дэпутат, які мае пад Лідай фірму па перапрацоўцы цыбулі, выклікаў паліцыю на журналістаў і былога беларускага вязня
Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер3
Каментары