І гэта пасля бліскучай перамогі ў першым туры.
Па дадзеных экзіт-полаў, крайне правым не ўдалося перамагчы ў ніводным рэгіёне ў Францыі. Паводле папярэдніх дадзеных, у паўночным рэгіёне Нор-Па-дэ-Кале-Пікарды Марын Лё Пэн прайграла кандыдату ад правай партыі «Рэспубліканцы» Ксаўе Бертрану. На поўдні пляменніца лідара Нацфронта Марыён Марэшаль Лё Пен таксама саступіла «рэспубліканцу» Крысціяну Эстразі.
Паводле папярэдніх дадзеных, на поўначы, у рэгіёне Нор-Па-дэ-Кале — Пікарды, Марын Лё Пэн набірае каля 42,3% галасоў выбаршчыкаў. Яе супернік Ксаўе Бертран апярэджвае лідара французскіх ўльтраправых з 57,7% галасоў.
«Сёння вечарам перамог ні я, ні якая б там ні было палітычная партыя. Сёння перамаглі выбаршчыкі нашага рэгіёну, гэта іх перамога», — заявіў Бертран, каментуючы гэтыя вынікі.
У рэгіёне Праванс — Альпы — Блакітны Бераг маладая пляменніца Лё Пен, 26-гадовая Марыён Марэшаль Лё Пэн атрымала 44,2% галасоў. Мэр Ніцы ад партыі «Рэспубліканцы» Крысціян Эстразі змог набраць 55,8%.
Нацыянальны фронт перамог у першым туры рэгіянальных выбараў. Партыя Марын Лё Пэн выйшла наперад у шасці французскіх рэгіёнах з 13.
У другім туры уся ўвага была прыкавана да паўночнага рэгіёна Нор-Па-дэ-Кале — Пікардыя і паўднёвага Праванс — Альпы — Блакітны Бераг, дзе Марын Лё Пен і Марыён Марэшаль Лё Пэн перамаглі з вялікім адрывам у першым туры.
Кіраўніцтва кіруючай Сацпартыі вырашыла пайсці на «ахвяру» і зняць свае спісы ў гэтых рэгіёнах у другім туры. Сацыялісты заклікалі галасаваць за прадстаўнікоў правай партыі «рэспубліканцаў», каб такім чынам перагарадзіць дарогу Нацфронту.
Акрамя таго, на працягу гэтага тыдня ўрад і шэраг СМІ пераконвалі французаў прыйсці галасаваць, адзначаючы, што няяўка таксама зможа пайсці на карысць крайне правым. Па дадзеных МУС Францыі, у другім туры яўка істотна вырасла і склала 58%.
У першым туры выбараў у галасаванні прынялі ўдзел каля паловы ад колькасці зарэгістраваных выбаршчыкаў.
Цяпер чытаюць
«Аб беларускіх аўтараў выцерлі ногі». Курэйчык і Марыніч судзяцца за серыял «Акрэсціна»9
«Аб беларускіх аўтараў выцерлі ногі». Курэйчык і Марыніч судзяцца за серыял «Акрэсціна»
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў99
Каментары