Памочнік прэзідэнта па пытаннях фізічнай культуры, спорту і развіцця турызму, першы віцэ-прэзідэнт Нацыянальнага алімпійскага камітэта Максім Рыжанкоў незадаволены колькасцю ліцэнзій, заваяваных беларускімі спартсменамі для ўдзелу ў летніх Алімпійскіх гульнях 2016 года ў Бразіліі.
Паводле апошняй інфармацыі, выкладзенай чыноўнікам на калегіі Мінспорта 3 лютага, права выступіць на Алімпіядзе атрымаў 81 спартсмен, тады як на гэты час чатыры гады таму колькасць заваяваных ліцэнзій склала 106, а восем гадоў таму — 138.
«Гэта сур'ёзная недапрацоўка, улічваючы нашу амбіцыйную задачу адправіць на Алімпіяду 150-155 спартсменаў. Калі будзем так крочыць да Алімпіяды, то будзем выглядаць там блякла», — заявіў Рыжанкоў.
Паводле яго слоў, пры невялікім складзе дэлегацыі не атрымаецца забяспечыць спартсменаў дастатковай колькасцю персаналу абслугоўвання, бо чым больш спартсменаў, тым больш можна ўзяць у склад дэлегацыі і пасяліць у алімпійскай вёсцы ўрачоў, масажыстаў і інш.
«Дадаткова мы не зможам размясціць рэсурсы па-за алімпійскай вёскай з-за вялікіх лагістычных праблем», — сказаў прамоўца.
-
Трэнер, які прывёў клуб да срэбра ў чэмпіянаце Беларусі, будзе трэніраваць каманду з пятага дывізіёна першынства Польшчы
-
Форвард мінскага «Дынама» Дылан Дзюбэ і яшчэ чатыры хакеісты прызнаныя невінаватымі па справе аб сэксуальным гвалце
-
Галоўны трэнер «Нёмана» выканаў дзіўны танец пасля перамогі ў матчы Лігі канферэнцый
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню41
Каментары