У выніку сумеснай працы генконсульства ў Гданьску й дзяржаўнага музэю Штуттхоф удалося ўстанавіць асобы 1002 беларусаў, якія загінулі ў канцлягеры. Рада музэю падтрымала ініцыятыву консульства ўсталяваць у былым канцлягеры таблічку ў памяць пра беларусаў, якія страцілі жыцьцё ў гітлераўскіх катавальнях.
У польскім мястэчку Штутава прайшлі ўрачыстасьці з выпадку 63‑й гадавіны вызваленьня вязьняў канцэнтрацыйнага лягеру Штуттхоф
Ад імя Генэральнага консульства Беларусі ў Гданьску вянок памяці да помніку ахвярам нацысцкіх злачынстваў усклаў кіраўнік консульскай установы Руслан Есін.
У размове з карэспандэнтам БЕЛТА ён сказаў, што ў выніку сумеснай працы генконсульства ў Гданьску й дзяржаўнага музэю Штуттхоф удалося ўстанавіць асобы 1002 беларусаў, якія загінулі ў канцлягеры. Рада музэю падтрымала ініцыятыву консульства ўсталяваць у былым канцлягеры таблічку ў памяць пра беларусаў, якія страцілі жыцьцё ў гітлераўскіх катавальнях.
Канцэнтрацыйны лягер Штуттхоф гітлераўцы стварылі 2 верасьня 1939 году — на наступны дзень пасьля пачатку Другой сусьветнай вайны. Паводле ацэнак гісторыкаў, нацысты закатавалі ці забілі ў лягеры 110‑127 тысяч чалавек, выхадцаў з 26 краін, у тым ліку 49 тысяч жанчын і дзяцей. Вязьні канцлягеру былі вызваленыя Чырвонай Арміяй 9 траўня 1945 году.
Што Бабарыка і Калеснікава адказалі на пытанні пра вайну37
Каментары