Расійскага міністра культуры Мядзінскага хочуць пазбавіць доктарскай ступені за «ненавуковасць і абсурд» у дысертацыі
Дысертацыйная рада Уральскага федэральнага ўніверсітэта (Расія) 4 кастрычніка разгледзіць заяву аб пазбаўленні навуковай ступені доктара гістарычных навук міністра культуры РФ Уладзіміра Мядзінскага. Пра гэта паведаміў у сваім Facebook эксперт супольнасці «Діссернет» Іван Бабіцкі.
На сайце ВНУ таксама змешчаная адпаведная заява. «04 кастрычніка 2016 года 15:00 - разгляд заявы аб пазбаўленні навуковай ступені доктара гістарычных навук Мядзінскага Уладзіміра Расціслававіча, які 27 чэрвеня 2011 года на пасяджэнні дысертацыйнага савета <>, створанага на базе Расійскага дзяржаўнага сацыяльнага ўніверсітэта (горад Масква), абараніў доктарскую дысертацыю на тэму: «Праблемы аб'ектыўнасці ў асвятленні расійскай гісторыі другой паловы XV-XVII стст.» па спецыяльнасці - Айчынная гісторыя», - сказана ў ёй.
Бабіцкі удакладніў, што заяву ў Мінадукнавукі аб пазбаўленні Мядзінскага навуковай ступені доктара гістарычных навук ён падаў 25 красавіка. Яна была падпісаная двума гісторыкамі — Вячаславам Казляковым і Канстанцінам Ерусалімскім, а таксама самім Бабіцкім.
«… У выпадку Мядзінскага асноўная прэтэнзія мае зместавы характар: яго праца папросту ненавуковая, а месцамі і проста абсурдная», - напісаў Бабіцкі.
Цяпер чытаюць
У міліцэйскім конкурсе прыгажосці перамагла амапаўка, якая ў 2020 годе разганяла пратэсты38
Каментары