Вынік другога тура выбараў у Малдове будзе залежаць ад яўкі выбарцаў. Моладзь масава праігнаравала першы тур, яўка на ім была гранічна нізкай нават для Малдовы — 49%. У выніку лідар прарасійскай партыі сацыялістаў Ігар Дадон набраў 48,2% галасоў, а кандыдат ад праеўрапейскай партыі «Дзеянне і салідарнасць» Мая Санду — 38,5%.
41-гадовага Дадона падтрымлівае Масква. Ён прапануе разарваць дамовы аб свабодным гандлі з Еўрасаюзам і ўвайсці ў Еўразійскі эканамічны саюз.
Былая супрацоўніца Сусветнага банка, а пасля міністарка адукацыі 44-гадовая Санду спрабавала з'яднаць вакол сваёй кандыдатуры падзеленыя правыя сілы Малдовы.
Расчараванне выбарцаў у праеўрапейскіх сілах звязанае з тым, што першы праеўрапейскі прэм'ер Малдовы Улад Філат аказаўся звязаны з аферай па крадзяжу мільярда даляраў з Эканамбанка краіны. Для Малдовы, эканоміка якой у 8 разоў меншая за беларускую, гэта было злачынства стагоддзя.
Ліберальна-дэмакратычная партыя Філата развалілася, а на яе руінах узніклі платформа «Годнасць і праўда» на чале з Андрэем Нэстасэ і партыя «Дзеянне і салідарнасць» на чале з Маяй Санду. Апошняя і стала самым папулярным лідарам правіцы.
Дадон прызнае Крым расійскім, Санду лічыць Крым украінскім.
У адрозненне ад Дадона, Санду правяла вельмі сціплую прэзідэнцкую кампанію, на якую вытраціла ўсяго каля 23 тысяч еўра. Яна не замаўляла білбордавай і тэлевізійнай рэкламы. Дадону ж прэзідэнцкая гонка абышлася прыкладна ў 295 тысяч еўра.
Цяпер чытаюць
З праекта будаўніцтва мінскага метро выкінулі яшчэ дзве станцыі — «Кіеўскі сквер» і «Політэхнічную»9
Каментары