Пасля «Маршу недармаедаў» у Мінску затрымалі актывістаў анархісцкага руху — у транспарце па дарозе з акцыі.
Адзначым, што ў часе шэсця яны ўвесь час былі на вачах у журналістаў і нічога не парушалі. Анархісты з барабанамі былі самымі актыўнымі ўдзельнікамі акцыі. Яны ладзілі вясёлыя музычныя перформансы. На вачах у дэманстрантаў пасля шэсця яны селі ў тралейбус, аднак з'ехалі недалёка.
На прыпынку насупраць казіно «Белая вежа» па вуліцы Максіма Багдановіча людзі ў цывільным пачалі ўрывацца ў тралейбус, брутальна выцягваць актывістаў, распылілі слёзацечны газ.
Жыхар Мінска Пятро Маркелаў стрыміў відэа затрымання — затрымалі і яго.
А на наступным відэа вы можаце бачыць, як жанчыны на прыпынку спрабуюць абараніць юнакоў ад ціхароў:
«Скаціна, за што б'еш? Фашысты недабітыя! За нашы падаткі!» — крычаць на ціхароў жанчыны на прыпынку, але марна.
Затрыманні адбыліся і пасля мітынгаў у Гродне і Магілёве. Вось жудаснае відэа збіцця дэманстранта асобамі ў цывільным у Магілёве:
Пятро Маркелаў сцвярджае, што балончыкі з-пад газу, які распылялі ў аўтобусе, пазней невядомыя падкінулі анархістам.
Сярод затрыманых — дзяўчаты, чые імёны вядомыя: Яўгенія Пракопчык, Алена Дубовік, Юлія Філіпава і Марына Дубіна, паведамляюць праваабаронцы-вясноўцы. Яны дастаўленыя ў РУУС Цэнтральнага раёна. Па неўдакладненых звестках, агулам у Мінску затрымана каля 40 юнакоў, сярод іх і стрымер Пятро Маркелаў.
Паведамляецца, што каля паловы на дзявятую да РУУСа Цэнтральнага раёна пад'ехала машына «хуткай дапамогі». Паводле наяўных звестак, затрыманых моцна збівалі.
Каля 22:30 ля РУУСа сабраліся бацькі затрыманых. Ім адмаўляюцца паведаміць, ці тут іх дзеці.
-
У Беларусі забаранілі кітайскія тэлефоны. Норма ўтрымання свінцу ў іх была перавышана ў 330 разоў
-
Паглядзіце, які мілы сабака працуе на памежным пераходзе з Латвіяй ФОТАФАКТ
-
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі9
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3838
Каментары