Паводле даных статыстычнага ведамства Літвы, беларусы займаюць другое месца па ўкладаннях у нерухомасць краіны-суседкі. Агульны кошт кватэр і дамоў, набытых беларусамі, ацэньваецца ў 28,4 млн еўра. Такія даныя прыводзіць dp.ru.
Попыт на нерухомасць у Літве сканцэнтраваны ў сталіцы — Вільні. Нязначны працэнт здзелак здзяйсняецца ў Клайпедзе і Каўнасе, а таксама ў буйных прыморскіх гарадах. Дарэчы, у Літве замежнікі могуць набываць без абмежаванняў любую нерухомасць за выключэннем зямель сельгаспрызначэння.
Па словах генеральнага дырэктара міжнароднага агенцтва нерухомасці Gordon Rock Станіслава Зінгеля, значная частка здзелак у Прыбалтыцы прыпадае на аб'екты коштам ад 100 тыс. да 300 тыс. еўра.
Доля замежных пакупнікоў на рынку жылля Вільні складае не больш за 10%. Кошт элітных кватэр у цэнтры літоўскай сталіцы вар'іруецца ад 200 тыс. да 1 млн еўра, у залежнасці ад плошчы. Цэны на прыватныя дамы пачынаюцца ад 450 тыс. еўра і даходзяць да 2 млн еўра.
Папулярнасць нерухомасці ў Вільні літоўскія рыэлтары тлумачаць тым, што прыбалтыйскія краіны традыцыйна з'яўляюцца месцам бізнэс-іміграцыі. Размешчаную ў іх нерухомасць купляюць заможныя грамадзяне, якія маюць бізнэс у Еўропе і тыя, што спадзяюцца калі не за кошт нерухомасці, то іншым спосабам легалізавацца ў еўрапейскай краіне і ў далейшым выкарыстоўваць набытую нерухомасць для пражывання.
Цяпер чытаюць
Ціханоўскі патлумачыў, чаму ён так паводзіў сябе ў Нью-Ёрку78
Каментары