Калі абіраеш пачастунак, перадусім варта мець на ўвазе, што добрыя кавуны — часцей за ўсё сярэднія па памерах.
1. Добры, спелы кавун буйны, мае цэласнае покрыва, колер скарынкі яркі і кантрасны, светлая пляма на баку, якую адляжаў кавун, павінна быць максімальна жоўтай, нават аранжавай.
2. Саспелы кавун абавязкова пакрыты цвёрдай бліскучай скарынкай, калі пазногаць лёгка пратыкае кавуновую скурку — значыць, кавун няспелы.
3. Вусік і пладаножка ў спелага кавуна сухія.
4. Пры ўдары далонню спелы кавун вібруе, пры ўдары сагнутым пальцам выдае ўмерана звонкі гук, пры сцісканні ўздоўж падоўжнай восі — слабое храбусценне.
5. Мякаць добрага кавун сакавітая, без аслізнення і пры гэтым у меру чырвоная. Інтэнсіўны ярка-чырвоны колер або нават з фіялетавым адценнем можа сведчыць аб наяўнасці нітратаў.
6. Трывожная прыкмета — жоўты колер валокнаў, якія ідуць ад сярэдзіны да скарыначкі (павінны быць белыя), і гладкі, глянцавы зрэз паверхні (павінны іскрыцца крупінкі).
7. Памятайце, выразаць кавалачак кавуна на пробу або разразаць яго на часткі перад продажам строга забаронена, бо ў месцы разрэзу вельмі хутка размножваюцца шкодныя мікраарганізмы, а дакладна вызначыць наяўнасць або адсутнасць у кавуне нітратаў усё роўна можна толькі ў лабараторыі.
8. Перад тым, як разрэзаць плод, не забывайце старанна вымыць яго цёплай вадой з мылам, бо часцінкі глебы, пылу, мікраарганізмы, якія знаходзяцца на лупіне, патрапіўшы ўнутр, могуць прывесці да кішачнай інфекцыі.
9. Калі пасля разрэзу выявіцца, што набыты вамі кавун мае кіслы пах, то ні ў якім разе нельга яго есці — можна атрымаць харчовае атручванне.
10 Аналагічнымі правіламі рэкамендуецца кіравацца і пры выбары дыні. Варта, аднак, мець на ўвазе, што ў саспелых пладоў супрацьлеглы хвосціку бок павінен быць крыху мяккім, а пры пстрычцы па скарынцы гук павінен быць глухім.
11. Добрая дыня павінна смачна пахнуць. Калі водару няма, яе лепш не купляць.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення13
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher22
Каментары