У амерыканскім штаце Місісіпі 13-гадовую дзяўчынку застрэліў яе 9-гадовы брат. Пра гэта паведамляе мясцовая паліцыя. Хлопчык хацеў пагуляць у відэагульню, але сястра адмовілася аддаць яму джойсцік.
Ён падышоў да яе ззаду і стрэліў у галаву з пісталета. Куля прайшла праз мозг.
Да гэтага часу незразумела, якія наступствы чакаюць хлопчыка.
«Яму ўсяго толькі дзевяць. Я мяркую, што ён бачыў у відэагульнях або на тэлебачанні. Я не ведаю, ці ён дакладна ўсведамляе, што зрабіў. Я ведаю, што гэта трагедыя», — падкрэсліў шэрыф Кантрэл.
Маці хлопчыка падчас трагедыі знаходзілася ў іншым пакоі, кормячы іншых дзяцей.
Паліцыя расследуе, як хлопчыку ўдалося дастаць зброю.
«Гэта абсалютна новыя абставіны для нас, мы ніколі не мелі справу з дзіцем, што страляе ў іншых дзяцей ва ўзросце дзевяці гадоў», — дадаў шэрыф.
Сілавікі расказалі, як гродзенскія блогеры трацілі мільён, сабраны нібыта на лячэнне дзіцяці5
Каментары