У справаздачы Смаленскай падкамісіі гаворыцца, што падчас піратэхнічнага кантролю Ту-154М не была праверана так званая «тэхнічная аптэчка» вагой 1066 кг, паведамляе Польскае радыё.
Падкамісія Мінабароны Польшчы па справах паўторнага расследавання Смаленскай катастрофы паведаміла, што падчас піратэхнічнага кантролю самалёта не была праверана так званая «тэхнічная аптэчка» — камплект запасных частак агульнай вагой 1066 кг.
У справаздачы Смаленскай падкамісіі гаворыцца, што «тэхнічная аптэчка» была загружаная на прэзідэнцкі борт да прыбыцця інспекцыі ў ноч з 9 на 10 красавіка 2010 года.
Паводле апублікаваных дадзеных, ні Бюро аховы ўраду, ні Служба вайсковай контрразведкі не былі праінфармаваныя аб размяшчэнні гэтага багажу на борце Ту-154М, які ляцеў у Катынь.
Нагадаем, 10 красавіка 2010 года пад Смаленскам разбіўся польскі ўрадавы самалёт. У выніку катастрофы загінулі ўсе, хто быў на борце, у тым ліку прэзідэнт Польшчы Лех Качыньскі.
Каментары