Прэзідэнт Францыі Эманюэль Макрон распавёў, што лічыць прэзідэнта Уладзіміра Пуціна «моцным чалавекам», і заклікаў не быць наіўным у адносінах з ім. Пра гэта ён заявіў у інтэрв'ю FoxNews.
«Я лічу, што ён вельмі моцны чалавек, ён моцны прэзідэнт. Ён хоча велічы Расіі. Людзі ганарацца яго палітыкай. Ён вельмі жорсткі ў адносінах да меншасцяў і сваіх апанентаў», — сказаў Макрон, дадаўшы, што не падзяляе погляды Пуціна на дэмакратыю.
«Ён моцны і разумны. Але не будзьце наіўнымі. Ён апантаны ўмяшальніцтвам у нашыя дэмакратыі. Таму я лічу, што мы не павінны праяўляць слабасць з прэзідэнтам Пуціным. Калі ты слабы, ён гэта выкарыстоўвае», — сказаў на заканчэнне францускі лідар.
Цяпер чытаюць
Што Бабарыка і Калеснікава адказалі на пытанні пра вайну92
Каментары