«Сваёй упартасцю яна дасягнула ўсяго»: расійская сноўбардыстка памерла ў 15 гадоў
25 красавіка Дар'я Гумен вырашыла наведаць сваю сяброўку ў Люберцах. Прыйшоўшы да яе, адчула сябе дрэнна і страціла прытомнасць, хуткая дапамога канстатавала смерць 15-гадовага падлетка.
Міхаіл Гумен, бацька памерлай, адзначыў, што дакладных звестак, што менавіта стала прычынай смерці дачкі, пакуль няма.
«З самага нараджэння мы ўставалі з самай раніцы, гадзіне а сёмай, снедалі, рыхтаваліся, а потым яна ішла вучыцца, — прыводзіць 360tv.ru словы Гумена. — Потым трэніроўка, потым дадому — урокі. І ў 21.00 адбой. І так цягам практычна 15 гадоў. Душа ў душу: ні разу практычна не сварыліся, а такое атрымалася … Сваёй упартасцю яна дасягнула ўсяго. За восем гадоў вучобы ў школе я не бачыў у яе ніводнай чацвёркі, толькі на «пяць» вучылася.
Я так за яе хваляваўся і перажываў, што на яе выступах практычна не бываў. Або глядзеў па тэлебачанні, або па сацсетках, ці проста чакаў вынікаў — вельмі прасіў, каб мне дасылалі пратаколы, па якіх яна выступала. Я навучыўся іх чытаць і бачыў, дзе яна ўдала выступала, а дзе няўдала, які суддзя якую ёй ацэнку паставіў і за што. Яна таксама не хацела, каб я прысутнічаў. Вельмі баялася пры мне зрабіць-нейкую памылку, прайграць. А я вельмі баяўся заўважыць гэтую памылку. Апошні кубак … яна ўзяла ўсе першыя прызы. Кубак Расіі. Гэта было ў Міасе 16 красавіка».
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове1
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары