Пасля кастрычніцкага апдэйта Windows 10 у карыстальнікаў павыдаляліся файлы з тэчкі «Мае дакументы»
Аперацыйная сістэма Windows выдаляе файлы з камп'ютараў падчас устаноўкі кастрычніцкага апдэйта. Пра гэта піша lenta.ru са спасылкай на партал MSPoweruser.
Адзначаецца, што файлы знікаюць з папкі «Мае дакументы» ў працэсе абнаўлення да Windows 10 (1809). Карыстальнікі сцвярджаюць, што не змаглі вярнуць файлы з дапамогай адкату да папярэдняй версіі.
«Божа! Тэчка «Дакументы» была цалкам выдалена, у выніку чаго ўсе даныя (файлы Word, табліцы і іншыя) знішчаны. Усё страчана, а апошняя рэзерваваная копія была зробленая вельмі даўно», — піша адзін з карыстальнікаў.
Іншы юзер на форуме Microsoft распавёў, што сістэма выдаліла 220 гігабайт даных, якія ён збіраў на працягу 23 гадоў. Яму толькі параілі рэгулярна рабіць рэзерваваную копію без тлумачэння.
Акрамя гэтага, у новай версіі сістэмы назіраюцца праблемы сумяшчальнасці з працэсарамі Intel пакалення Skylake і навейшымі. Гэта прыводзіць да росту нагрузкі на чып, а ў выпадку з ноўтбукамі значна памяншае час аўтаномнай працы.
У кампаніі адрэагавалі на праблемы і перад пачаткам абнаўлення пачалі выводзіць папярэджанне, пасля якога можна адкаціць да папярэдняй версіі сістэмы.
Рэпрэсіі разганяюцца ці запавольваюцца? Давайце лічыць9
Рэпрэсіі разганяюцца ці запавольваюцца? Давайце лічыць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары