У пятніцу, 2 лістапада, у Віцебску чакаюць прэзідэнта. Ён мусіць пабываць у гарпасёлку Балбасава пад Оршай, а ў абласным цэнтры адкрые мадэрнізаваны футравы камбінат і наведае фабрыку-банкрут КІМ, піша tut.by.
У раёне пасёлка Тарны і вуліцы Максіма Горкага, дзе знаходзяцца гэтыя прадпрыемствы, ідзе аўральная падрыхтоўка да сустрэчы першай асобы. Тут збудавалі нават пляцоўку для пасадкі верталёта.
«Пляцоўку на былым аўтадроме ў пасёлку Тарным пачалі будаваць у ноч на чацвер, 1 лістапада», - распавядае чытач tut.by.
- Сёння за адну ноч закаталі ў асфальт пляцоўку былога аўтадрома, - паведаміў мясцовы жыхар, які просіць яго не называць. - Адзін з рабочых выказаў здагадку, што, напэўна, тут сядзе верталёт прэзідэнта. Раніцай тут працавалі не менш за 30 адзінак тэхнікі і ледзь не сотня людзей.
Былы аўтадром ў Зялёным гарадку, паміж вуліцай 1-й Зарэчнай і завулкам Прыбярэжным, быў закінуты гадоў 10 таму. Але менш чым за суткі тут усё змянілася:
- Да новай пляцоўкі, якая з'явілася пасля сёлетняй ночы, цяпер з усіх бакоў праводзяць дарогу. А раней тут былі гравійка і разбіты асфальт. Але ўчора паклалі новае асфальтавае пакрыццё.
- Пляцоўку для магчымай пасадкі верталёта сёння выпрабавалі. Цяпер усё вакол фарбуюць і добраўпарадкоўваюць, - паведаміў мясцовы жыхар.
Цяпер чытаюць
З YouTube выдалілі каналы БелТА, СТБ і АНТ. Улады пагражаюць контрмерамі42
Каментары