Вядомы беларускі пісьменнік Уладзімір Арлоў выказаўся ў падтрымку незалежных журналістаў, абвінавачаных па крымінальнай справе аб нібыта незаконным доступе да інфармацыі, паведамляе baj.by.
— «Справа БелТА» мне, як літаратару, непазбежна прыводзіць на памяць раман Франца Кафкі «Працэс». Своеасаблівым працягам гэтай аналогіі стала нядаўняе радаснае паведамленне БелТА пра дзень бясконцасці «8888» у валадаранні любімага прэзідэнта. Зноў звяртаючыся да літаратурных аналогій, згадваецца таксама раман Джорджа Оруэла «1984» з ягоным міністэрствам праўды.
Мы маем перад сабой брутальную спробу дзяржавы змагацца з тымі, хто супрацьстаіць падабенству гэтага міністэрства праўды ў выглядзе дзяржаўных сродкаў масавай інфармацыі. Якія даўно ўжо ператварыліся ў сродкі масавай прапаганды.
Але за вокнамі ўсё ж не 1984-ты, а 2018-ты, — кажа ў сваім звароце Уладзімір Арлоў.
Раней у падтрымку незалежных журналістаў, якім выставілі крымінальныя абвінавачанні, выступілалаўрэат Нобелеўскай прэміі Святлана Алексіевіч.
Цяпер чытаюць
Спевака з «Марафону адзінства» асудзілі за палітыку — прыгадалі каментары 2020-га. Бараніць у суд яго хадзілі сёстры Груздзевы15
Каментары