Сёння стала вядома, што расстраляны яшчэ адзін з «чорных рыэлтараў» Ігар Гершанкоў. У Магілёўскім абласным судзе яго маці пацвердзілі, што прысуд прыведзены ў выкананне, паведамляе spring96.org
Учора стала вядома, што выкананы смяротны прысуд у дачыненні да Сямёна Беражнога. І Гершанкоў, і Беражны былі асуджаныя да смяротнага пакарання Магілёўскім абласным судом 21 ліпеня 2017 года.
Тады ж Таццяна Гершанкова была асуджана на 24 гады калоніі агульнага рэжыму з канфіскацыяй маёмасці, а Барыс Калеснікаў — 22 гады і 1 месяц калоніі строгага рэжыму з канфіскацыяй маёмасці.
Улетку Ігар Гершанкоў абвяшчаў галадоўку, дамагаючыся права на перапіску.
Зламыснікі дзейнічалі ў 2009—2015 гадах, нагадвае TUT.BY. Яны пераконвалі ўласнікаў кватэр прадаць маёмасць, а пасля гэтага забівалі іх. На могілках у Магілёўскай вобласці было знойдзена шэсць пахаванняў і яшчэ тры ямы, прыгатаваныя для будучых ахвяр. Некаторых, як прагучала падчас судовага пасяджэння, закопвалі жыўцом: чалавек у гэты час спаў пад уздзеяннем гарэлкі і клафеліну.
-
«А Лукашэнка не ў курсе, адкуль быў напад на гэту асфальтаваную дарогу?» У вёсцы правялі велапрабег — але ўся ўвага дасталася дарозе
-
Мільянер Варабей атрымаў права на забудову цэнтра Мінска — узамен за дарагую клініку для Лукашэнкі
-
Мінчукі ў чаце паскардзіліся на працу паліклінікі. Прапаганда абвінаваціла ў чэргах саміх наведвальнікаў
Каментары