Сто рублёў за пакусаную руку. Абаронца Курапатаў прайграла суд наведніку рэстарана «Паедзем, паядзім»
Менскі раённы суд часткова задаволіў пазоў менчука Алега Задарожнага да актывісткі Натальлі Гарачкі, піша «Радыё Свабода».
Пазоўца патрабаваў 2 тысячы рублёў кампэнсацыі за маральную шкоду і фізычныя пакуты. Судзьдзя Павал Хоміч задаволіў пазоў толькі на 100 рублёў. Сам Задарожны на працэс не прыйшоў.
«Замова ёсьць замова», — ахарактарызвала прысуд Натальля Гарачка. Яна заявіла, што абскардзіць вырак, падасьць сустрэчны пазоў на Алега Задарожнага і напіша скаргу ў пракуратуру, бо ў справе зьнік акт яе мэдычнай экспэртызы.
«Гэта ўжо падобна да фальшаваньня справы», — адзначыла Гарачка.
Інцыдэнт здарыўся летась 5 чэрвеня. У той вечар рэстарацыю пікетавалі больш за 10 актывістаў, а за некалькі хвілінаў да зьяўленьня Алега Задарожнага аўтамабіль зьбіў аднаго зь пікетоўцаў — Леаніда Кулакова.
Калі Алег Задарожны пачаў абурацца, што яму не даюць праехаць у рэстарацыю, пікетоўцы ўступілі зь ім у спрэчку. Далейшыя падзеі, паводле бакоў, адбываліся па-рознаму.
Паводле Алега Задарожнага, Натальля Гарачка ўкусіла яго за руку. Сама ж Натальля Гарачка сьцьвярджае, што гэта Алег Задарожны груба яе схапіў ды яшчэ і ўдарыў, а яна мусіла бараніцца.
Платная экспэртыза 25 чэрвеня выявіла ў Задарожнага барвовую ссадзіну і гематому. Гарачка мяркуе, што праз 20 дзён сьлядоў у яго на руцэ застацца ўжо не магло.
Паводле яе, суд не пажадаў разьбірацца з гэтым аргумэнтам, а таксама выклікаць Задарожнага на працэс і праглядаць відэа зь месца здарэньня.
Атрымаць камэнтар у Алега Задарожнага не ўдалося.
Алегу Задарожнаму 54 гады. Пра сябе ён паведамляў, што родам са Скідзеля, у дзяцінстве здымаўся ў кіно, на момант канфлікту працаваў страхавым агентам.
-
«Шатл-бас спачатку спыніўся, а потым пачаў павольна каціцца назад». Беларус, які стаў відавочцам аварыі ў Тайландзе, расказаў падрабязнасці
-
У Партугаліі адмяняюць абарону для беларусаў, якія выехалі з Украіны падчас вайны
-
«Выклікайце санітараў!» У Слуцку пенсіянеркі апантана ваююць з дзіцячай пляцоўкай
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»3
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары