У Літву прыбылі амерыканскія танкі. Іх размесцяць непадалёк ад мяжы з Беларуссю
Па чыгунцы ў Пабрадэ (недалёк ад мяжы з Беларуссю) дастаўлены восем танкаў Abrams і 21 баявая машына пяхоты (БМП) Bradley, паведаміў прадстаўнік літоўскай арміі па сувязях з грамадскасцю маёр Гінтаўтас Цюніс, піша Delfi.
Яшчэ некалькі дзясяткаў танкаў будуць дастаўлены ў наступныя тыдні. Як сказаў міністр абароны Літвы Раймундас Каробліс, прыбыццё падраздзялення ЗША дэманструе, што дыслакацыя сіл такога маштабу ўжо не табу.
«Гэта, перш за ўсё, вестка для Літвы і нашых суседніх краін НАТА, што мы з'яўляемся краінамі, якія ў выпадку крызісу будуць абараняцца як частка НАТА, што саюзнікі з намі», — заявіў міністр у панядзелак.
«Гэта таксама мэсэдж і для Расіі пра тое, што ЗША ўцягнутыя. Гэта дадатковы фактар стрымлівання», — сказаў кіраўнік Мінабароны Літвы Раймундас Каробліс.
Гэтая ваенная тэхніка, якая належыць размешчанаму ў Польшчы 1-му батальёну 7-га кавалерыйскага палка, будзе задзейнічана ў вучэннях у Літве. Каля 500 прадстаўнікоў сухапутных сіл ЗША прабудуць у Літве да вясны.
Цяпер чытаюць
26‑гадовы Андрэй паехаў у Расію ў марскі флот. Але трапіў на вайну і загінуў — маці кажа, спакусіўся вялікімі грашыма3
26‑гадовы Андрэй паехаў у Расію ў марскі флот. Але трапіў на вайну і загінуў — маці кажа, спакусіўся вялікімі грашыма
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары