У сераду пройдуць заключныя чвэрцьфінальныя гульні футбольнай Лігі чэмпіёнаў.
У Порту на стадыёне «Драгаў» «Порту» прыме леташняга ўладальніка найгалоўнага трафею Еўропы «Манчэстар Юнайтэд».
Гэты матч пакажа ў жывым эфіры тэлеканал БТ. Пачатак трансляцыі ў 21:35.
Тыдзень таму на «Олд Трафард» партугальцы здолелі пры канцы матчу зраўняць лік — 2:2, і цяпер для выхаду ў наступны этап ім дастаткова згуляць унічыю 0:0, ці 1:1.
МЮ трэба або перамагаць, або згуляць унічыю з буйным лікам — 3:3 і г.д. Праўда, «рэдс» шчэ ні разу не перамагалі ў Партугаліі. Як прайгралі ўвесну 2004 г., а «Порту» потым стаў пераможцам Лігі чэмпіёнаў.
Аднак учорашні матч на «Стэмфард Брыдж» даказаў, што ўсё магчыма.
На «Эмірэйтс» (Эшбертан Гроўв) сёння «Арсенал» прымае «Вільярэал». Першы матч у Іспаніі скончыўся з лікам 1:1.
Пераможцы сённяшніх дуэляў утвораць паўфінальную пару, паўфінал пройдзе 28-29 красавіка - 5-6 мая.
Фінал сёлета пройдзе ў Рыме 27 мая.
***
Цікава, што, калі ў паўфінал выйдуць МЮ і «Арсенал», то на гэтым супрацьстаянне гэтым каманд у сезоне не скончыцца.
16 мая яны згуляюць паміж сабой у перадапошнім туры чэмпіяната Англіі, а таксама тэарэтычна могуць згуляць у фінале Кубка Англіі (30 мая): 18-19 красавіка пройдуць паўфіналы КА: «Арсенал» - «Чэлсі», МЮ - «Эвертон».
Калі ў паўфінал выйдуць «Порту» і «Арсенал», то, зазначым, што гэтыя каманды гулялі між сабой у групавым турніры. «Арсенал» у Лондане выйграў 4:0, а на «Драгаў» прайграў 0:2.
МЮ і «Вільярэал» - дзве любімыя каманды галоўнага трэнера БАТЭ Віктара Ганчарэнкі - таксама сёлета двойчы гулялі між сабой у групавым турніры - 0:0, 0:0. Наогул яны чатыры разы гулялі між сабой і не забілі ніводнага мяча.
Паўсюль інтрыга.
***
Два паўфіналісты вызначыліся ўчора. У першым паўфінале згуляюць «Барселона» і «Чэлсі».
Цяпер чытаюць
«У майго 21 сантыметр — дзесяць базавых далі». Беларусы ў тыктоку жартуюць з новых правілаў ад чыноўнікаў7
Каментары