Актывісты ў Магілёве распачалі кампанію супраць продажу непаўналетнім алкаголю і цыгарэтаў
Па словах ініцыятара кампаніі Паўла Варашылава, у беларускім грамадстве ўсё больш юнакоў і дзяцей становяцца ахвярамі алкаголю і тытуню: «Часта на вуліцах гораду бачыш 14‑16‑гадовых юнакоў з бутэлькаю піва ці гарэлкі ў руках і цыгарэтаю ў зубах. Гэтыя дзеці з маленства губляюць здароўе, рана дэградуюць. І старэйшыя падштурхоўваюць іх да гэтага, незаконна прадаючы алкаголь і тытунь», — кажа ён.
Кампанія будзе доўжыцца месяц. За гэты час юнакі збіраюцца арганізаваць шэраг пікетаў і акцый.
У адной з магілёўскіх школ юнакі правялі анкетаванне — вучні старэйшых класаў адказвалі на пытанні, як часта яны ўжываюць алкаголь, дзе яго набываюць і г.д Мэтаю анкетавання было выявіць месцы, дзе часцей за ўсё непаўналетнім адпускаюць алкаголь і тытунь. Пазней у гэтых крамах будзе праведзена акцыя «Кантрольная закупка».
Цяпер чытаюць
Акадэмію КДБ будуюць проста на Залатагорскіх могілках. З зямлі дастаюць парэшткі мінчукоў, якіх тут хавалі сотні гадоў21
Каментары