Мікіту Крыўцова, якога знайшлі павешаным, пахаваюць заўтра ў Маладзечне
Развітанне з Мікітам Крыўцовым, якога знайшлі павешаным пасля ўдзелу ў мірнай дэманстрацыі ў Маладзечне, адбудзецца заўтра з 12.30 да 14.00 у рытуальнай зале на вуліцы Янкі Купалы, 50 у Маладзечне.
Нагадаем, фанат футбольнай каманды «Маладэчна» Мікіта Крыўцоў знік 12 жніўня. Паводле сваякоў, раніцай гэтага дня ён паехаў на працу ў пасёлак Каралёў Стан пад Мінскам. Цела Мікіты Крыўцова было знойдзена 22 жніўня ў лесапаласе ў межах Мінску. Паводле паведамлення Следчага камітэту, Мікіта Крыўцоў задушыўся, слядоў крымінальнага характару на целе не было.
23 жніўня знайшлося відэа, на якім Мікіта Крыўцоў стаіць перад шэрагам АМАПа з бел-чырвона-белым сцягам на плошчы ў Маладзечне. Відэа знялі ўвечары 9 жніўня.
Каментары