Як стала вядома Нашай Ніве, 28 красавіка ў Беларусь прылятае аятала Махмуд Гашэмі Шахрудзі, а тыдзень таму з візітам пабываў Бакер Ларыджані – брат кіраўніка ядзернай праграмы Ірану.
Як стала вядома Нашай Ніве, 28 красавіка ў Менск мае прыляцець аятала Махмуд Гашэмі Шахрудзі – адзін з найвышэйшых кіраўнікоў Ірану.Ён ачольвае судовую галіну ўлады гэтай краіны, але гэтым ягоны ўплыў не вычэрпваецца. Менавіта з Шахрудзі на Захадзе зьвязваюць многія эксцэсы ў галіне правоў чалавека.
Праграма візыту, як звычайна, невядомая, але бясьпеку высокага госьця забясьпечваюць больш за шэсьць дзясяткаў (!) целаахоўнікаў.
Тыдзень таму ў Беларусі пабываў Бакер Ларыджані – брат «шэрага кардынала» іранскай палітыкі, аўтара ідэі выратаваньня іранскага рэжыму праз аднаўленьне ядравай праграмы.Загадкавая місія Бакера Ларыджані становіцца больш зразумелай на тле візыту Шахрудзі.
Кантакты з асобамі, блізкімі да ядзернай праграмы Ірану, адбываюцца адначасова з інтэнсіфікацыяй адносінаў Беларусі з Захадам і могуць сьведчыць пра двайную гульню Менску.
Каментары