«Нязгодныя? Тады замест Качанавай пасылаем Карпянкова»
Візіт Качанавай да студэнтаў… Знакавае мерапрыемства. Так выглядае дыялог у разуменні Лукашэнкі, піша журналіст Андрэй Пачобут.
Гэта значыць, грамадству прапануюць выказацца. Прычым загадзя вядома, што ў адказ яно пачуе тое, што і так чуе кожны дзень па ТБ. Але вы ж на канцэрты ходзіце? І нават грошы плаціце? Так і тут. Сольны выступ «ужывую». Толькі за бясплатна.
Гэта ж такааааая саступка! На думку Адміністрацыі прэзідэнта, мы павінны пад столь скакаць ад радасці.
Бо яны проста маглі яшчэ раз АМАП нацкаваць, маглі спусціць малойчыкаў Карпянкова, маглі адправіць мянта, які б на «матном языке» і па паняццях вяшчаў бы…
Але не. Яны добрыя, яны адправілі Качанаву. Яна нават нешта там выслухала і, можа быць, нават запісала. А тое, што гэта ніяк не паўплывае на рэчаіснасць, то ніхто ж не абяцаў вам гэтага. Абяцалі — дыялог, то-бок працэс. Дык вось ён! Так выглядае дыялог улады з грамадствам згодна з цвёрдымі перакананнямі Лукашэнкі.
Пасажыры могуць абмяркоўваць і гаварыць, але цягнік і так едзе сваёй дарогай. Згодныя? Не? Тады замест Качанавай пасылаем Карпянкова з Балабам.
-
«Гісторыя поўная нечаканасцяў, і не ўсе яны непрыемныя». Пісьменніца Крысціна Сабаляўскайце паразважала пра ВКЛ, Беларусь і Расію
-
Статкевіч прапанаваў лозунг, які аб’яднае большасць беларусаў
-
Губарэвіч спрабуе ўзяць Бабарыку на слабо: «Ёсць апасенні, што не атрымаецца пераадолець прахадны бар’ер на выбарах у КР?»
Каментары