Дзе сёння было найхаладней, а дзе «найцяплей». Калі так можна сказаць пра -14 — КАРТА
Найхаладней было ў Слуцку — -28,7 марозу. У Мінску было -25,0. У Лельчыцах — -24,6.
Фота Сяргея Зініна
У самым паўночным горадзе Беларусі — Езярышчы — -24,0.
«Найцяплей» было ў Брэсце: -14,5, у Гродне — -20.
Вядомы метэаролаг Дзмітрый Рабаў на выходных у адной з тэлеперадач сказаў, што такія лютыя маразы на Вадохрышча (а гэтае свята будзе заўтра) бываюць раз на пяць год. І сапраўды, пяць год таму, у 2016-м, на Вадохрышча было вельмі сцюдзёна, але ў 20-х датах адпусціла.
І пакуль, паводле папярэдніх прагнозаў, маразы пратрымаюцца яшчэ пару дзён, а ў канцы тыдня чакаецца нават плюсавая тэмпература.
Каментары