Санкцыі, уведзеныя Еўраcаюзам у дачыненні да Беларусі, пакуль не далі ніякага эфекту, паколькі на тое, каб іх вынік стаў бачны, неабходна больш часу.
Такое меркаванне выказаў у чацвер на брыфінгу ў Бруселі прэс-сакратар замежнапалітычнай службы ЕС Пэтэр Стана, піша ТАСС.
«ЕС увёў ужо тры блокі санкцый супраць фізічных асоб (прадстаўнікоў кіраўніцтва краіны, уключаючы Аляксандра Лукашэнку) і кампаній у Беларусі. Што тычыцца эфектыўнасці санкцый у дачыненні да Беларусі — мы пастаянна маніторым яе. Аднак патрабуецца большы час, каб санкцыі падзейнічалі. На жаль, мы пакуль бачым, што рэпрэсіі не спыніліся, і ўсе арыштаваныя застаюцца за кратамі», — адзначыў ён.
У сувязі з гэтым Стана падкрэсліў, што «санкцыйны рэжым у дачыненні да Беларусі носіць адкрыты характар» і можа быць узмоцнены, «пакуль непрымальнае [з пункту гледжання Бруселя] развіццё падзей працягваецца».
Каментары