Калі выпускалі, сказалі, што адпала неабходнасць трымаць яе за кратамі, паведамляюць яе сябры, піша Еўрарадыё.
Таццяна Гацура-Яворская — адна з арганізатарак выставы-трыб'юту медыкам «Машына дыхае, а я — не». 6 красавіка ў яе дома правялі ператрус, а яе саму затрымалі.
Яна мама чатырох дзяцей і аўтарытэтны грамадскі дзеяч.
Беларускія праваабаронцы прызналі Гацуру-Яворскую палітзняволенай.
Яе падазраюць па ч. 3 арт. 293 КК — «Фінансаванне беспарадкаў».
Таццяна — арганізатарка шматлікіх культурных ініцыятыў, сярод якіх фестывалі дакументальнага кіно, грамадскае аб'яднанне «Звяно» і нядаўняя выстава-трыб'ют медыкам, якія змагаюцца з кавідам, «Машына дыхае, а я — не».
Экспазіцыя «Машына дыхае, а я — не» запрацавала ў прасторы «Месца» на Рэвалюцыйнай толькі 30 сакавіка, а ўжо 1 красавіка санстанцыя і МНС знайшлі у пляцоўкі парушэнні, таму выставу прыйшлося перанесці ў анлайн. У ноч з 5 на 6 красавіка каманда са шкадаваннем заявіла, што «вымушаная спыніць рэалізацыю праграмы праекта «Машына дыхае, а я — не».
Выстава была прысвечаная беларускім медыкам і выклікам, з якімі яны сутыкнуліся за апошні год: пандэміяй COVID-19 і палітызацыяй сістэмы аховы здароўя. Аўтары работ, прадстаўленых на выставе, — вядомыя фатографы і мастакі. Куратары праекта —платформа SHKLO+, арганізатары — грамадскае аб'яднанне «Звяно».
Чытайце таксама: Праваабаронца Таццяна Гацура-Яворская афіцыйна затрыманая па крымінальнай справе
Мужа палітзняволенай праваабаронцы Таццяны Гацура-Яворскай дэпартуюць з Беларусі на 10 гадоў
Цяпер чытаюць
«У майго 21 сантыметр — дзесяць базавых далі». Беларусы ў тыктоку жартуюць з новых правілаў ад чыноўнікаў7
Каментары