Ціханоўская і Вячорка купілі квіткі ў Мінск, але не прыляцелі. Што гэта было?
У мінулыя выхадныя ў інтэрнэце з'явіліся фатаграфіі авіябілетаў з Вільні ў Мінск на 2 мая на імя Святланы Ціханоўскай і яе дарадцы па міжнародных пытаннях Франка Вячоркі. Але ў Мінск яны так і не прыляцелі. Tut.by спытаў у каманды Ціханоўскай, што гэта было.
Квіткі, як аказалася, сапраўдныя. Гэта Tut.by пацвердзіў Франак Вячорка. Але ў Мінск ні Ціханоўская, ні Вячорка не прыляцелі — у панядзелак, 3 мая, у Ціханоўскай пачаўся афіцыйны візіт у Славенію.
— Квіткі нашы. Каманда Ціханоўскай праводзіць вялікі аб'ём працы для дасягнення пастаўленых мэтаў, і не ўся дзейнасць можа быць публічнай, — заявіў дарадца Ціханоўскай.
Навошта куплялі квіткі, ці збіраліся насамрэч ляцець у Мінск Ціханоўская і Вячорка, у камандзе распавядаць адмаўляюцца. Хто выклаў фатаграфіі квіткоў у сетку, у камандзе не ведаюць.
Раней каманда Ціханоўскай заяўляла, што, па іх разліках, у маі павінны пачацца перамовы з беларускай уладай.
Цяпер чытаюць
Спевака з «Марафону адзінства» асудзілі за палітыку — прыгадалі каментары 2020-га. Бараніць у суд яго хадзілі сёстры Груздзевы16
Каментары