Галоўны трэнер клуба, які прабіўся ў Лігу Еўропы, прыйшоў на пасляматчавую прэс-канферэнцыю без адзення ФОТАФАКТ
Галоўны трэнер бельгійскага «Антверпэна» Браян Прыске Педэрсэн выйшаў да журналістаў без адзення пасля таго, як яго каманда прабілася ў групавы этап Лігі Еўропы.
На прэс-канферэнцыі спецыяліст з'явіўся загорнуты вакол пояса ў ручнік.
Аказваецца, што дацкі спецыяліст паабяцаў гульцам распрануцца, калі яны змогуць трапіць у групавы этап турніру.
Wait... What's happening here?! #OMOANT #COYR⚪ #RAFC #OneRedFamily pic.twitter.com/lEotWZj1FR
У апошнім раўндзе плэй-оф Лігі Еўропы бельгійскі клуб абыграў кіпрскую «Амонію» (4:4 па суме двух матчаў, 3:2 па пенальці). Лёсаванне групавога турніру адбудзецца 27 жніўня.
Сёння ж адбудзецца і лёсаванне групавога турніру трэцяга турніру — Лігі канферэнцый.
Ніводны беларускі клуб не здолеў прабіцца ў групавы турнір ніводнага з еўракубкаў. «Шахцёр», БАТЭ, «Дынама-Брэст» і «Тарпеда» Жодзіна вылецелі ў кваліфікацыі Лігі канферэнцый.
І гэта пры тым, што ў групавы раўнд турніра прабіліся клубы з Эстоніі, Арменіі і нават Гібралтара: «Флора», «Алашкерт» і «Лінкольн».
Каментары