За месяц у Літву з боку Беларусі не пусцілі дзве тысячы нелегалаў
За суткі ў Літву спрабавалі трапіць каля дзесяці нелегальных мігрантаў з Беларусі, ніводны з іх не быў упушчаны ў краіну.
Нелегальна дзяржаўную граніцу з боку Беларусі спрабавалі перасекчы ў Свянцянскім і Шальчынінкскім раёнах. Спачатку яны наблізіліся да мяжы, а затым вярнуліся ў глыб Беларусі. За мінулыя суткі на мяжы не ўжывалася службовая зброя, спецсродкі або фізічны гвалт, паведамляе Delfi.lt.
Патруляванне літоўскай тэрыторыі на мяжы з Беларуссю працягваецца ва ўзмоцненым рэжыме.
За месяц, з пачатку прымянення практыкі вяртання незаконных мігрантаў, у Літву не пусцілі крыху больш за 2000 чалавек.
А ўвогуле з пачатку года ў краіну праз мяжу з Беларуссю сёлета трапіла больш за 4100 мігрантаў.
Каментары