Прыёрбанк рэзка і без папярэджання падняў тарыф за валютныя пераводы з-за мяжы
Прыёрбанк павялічыў камісію за валютныя пераводы з-за мяжы, заўважылі чытачы сайта dev.by. З 13 чэрвеня за залічэнне сродкаў, якія паступаюць на рахунак з-за мяжы, банк здымае 3% ад сумы (мінімум 15 рублёў, максімум 2500 рублёў). Гэта не лічачы камісіі за перавод, якую аплачвае адпраўнік.
У самім банку dev.by пацвердзілі, што камісія за залічэнне была павялічаная да 3% з 13 чэрвеня. Да 1 чэрвеня банк спаганяў за залічэнне 1% ад сумы, а з 1 чэрвеня да 13-га — 1,8%. Інфармацыя з'явілася на сайце банка ў раздзеле «Дакументы і тарыфы».
Пры гэтым карыстальнікі паслугамі абураюцца, што банк не паведаміў ім рассылкай пра такую важную змену, прытым што ў інтэрнэт-банкінгу Прыёрбанка не высвятляецца інфармацыя пра поўную суму да збірання камісіі і памеру камісіі.
Адзін з чытачоў dev.by заўважыў лішнія спісанні толькі пасля атрымання заробку. Ён працуе як фізасоба па дамове грамадзянска-прававога характару з кліентам з Расіі, і яму ў панядзелак увечары прыйшла сума не тая, якую ён чакаў, а з 3% камісіяй. Пра тое, што з яго знялі 3% камісіі, кліент даведаўся, толькі патэлефанаваўшы ў тэхпадтрымку банка. Дагэтуль з яго гэтак жа сама без папярэджання спісалі і 1% камісію, але тады чалавек гэтага не заўважыў, бо сума была не такой вялікай. Цяпер гэты кліент збіраецца перайсці ў Альфа-Банк, «дзе няма камісій за залічэнне, а ёсць толькі за пераводы».
Цяпер чытаюць
Арыштаваны дырэктар Палаца Рэспублікі, адзін з арганізатараў Марафона адзінства6
Каментары