Як стала вядома «Нашай Ніве», былы прэм'ер-міністр Беларусі Сяргей Румас канчаткова вярнуўся на радзіму пасля спробаў зачапіцца за працу ў Лондане, Кіеве і Расіі. Цырыманіяльная пасада ў Рассельгасбанку не адпавядае фінансавым чаканням банкіра.
Пасля аблавы на сяброў і страховачнага выезду з Беларусі ў лютым 2021-га былы прэм'ер Сяргей Румас паспеў пажыць у Лондане, Кіеве і Маскве.
Чытайце таксама: Стала вядома, дзе знаходзіцца Сяргей Румас і ў чым сэнс прэтэнзій да яго
Затрымацца ў Лондане ў Румаса не выйшла, бо знайсці там прымальную працу, хай нават і беларускаму экс-прэм'еру, праблематычна: патрэбна заходняя кваліфікацыя, веданне моваў. Туды ж дадаецца вялікі кошт на пражыццё і звыкласць да пэўнага ладу жыцця, які не хочацца зніжаць.
Пасля Лондана Румас падаўся ў Кіеў, дзе знайшоў праектную працу. Яшчэ ўвесну 2021-га ён казаў «Нашай Ніве», што мае ў Кіеве праекты. Разам з гэтым ён атрымаў пасаду ў Рассельгасбанку — стаў сябрам назіральнай рады. І пераехаў у Маскву.
Чытайце таксама: Румас аб'явіўся ў Мінску. Што было далей?
Але гэтая пасада — цырыманіяльная. Асаблівых заробкаў там не плацяць. Румас жыў за кошт ранейшых запасаў і, як вядома «Нашай Ніве», цяпер ён шукае працу ў Мінску.
Крымінальная справа супраць ягоных сяброў і былых менеджараў Банка развіцця не закранае непасрэдна былога прэм'ера — ён не праходзіць па ёй падазраваным, хаця на самым пачатку ў яго дома і прайшоў вобшук.
Ці закрытая справа, «Наша Ніва» не ведае.
Цяпер чытаюць
Спальныя месцы ў «Мінск-Свеце» могуць выклікаць клаўстрафобію. Як эканомяць прастору ў сучасных кватэрах-студыях4
Каментары