У твітары з'явілася суполка шытпосцераў, якія троляць расійскіх прапагандыстаў. Іх галоўная зброя — мемы з сіба-іну
У англамоўным сегменце твітара сярод вайскоўцаў з'явілася супольнасць шытпосцераў, якія высмейваюць і выкрываюць дэзынфармацыю Расіі пра вайну ва Украіне, троляць расійскіх дыпламатаў і прапагандыстаў і збіраюць ахвяраванні на дапамогу ўкраінцам. Супольнасць, піша «Медуза», называе сябе The Fellas («Чувакі») або НАФА (North Atlantic Fellas Organization) — Арганізацыя паўночнаатлантычных чувакоў — па аналогіі з НАТА.
Удзельнікаў або карыстальнікаў, якія спачуваюць НАФА, лёгка пазнаць па аватарках і мемах з чувакамі (The Fellas) — антрапаморфнымі сабакамі сіба-іну. Часцяком персанажы апранутыя ў вайсковую форму. Сярод тых, хто так ці інакш падтрымлівае НАФА — Джэк Макейн, сын сенатара ЗША Джона Макейна, вайсковы аналітык CNN Марк Хартлінг і генерал-маёр арміі ЗША Патрык Донах'ю.
Чувакоў прыдумаў мастак Кама (@Kama_Kamilia), які на пачатку мая пачаў устаўляць персанажаў на выпадковыя выявы з Украіны. Прыкладна ў той жа час добраахвотнікі з «Грузінскага легіёна», якія ваююць на баку УСУ, пачалі збіраць ахвяраванні на ўзбраенне для Украіны. Кама вырашыў дапамагчы збору і стаў маляваць аватаркі з чувакамі для ахвярадаўцаў.
NORTH ATLANTIC FELLA ORGANIZATION pic.twitter.com/dyUa8iXXbx
Як лічыцца, адзін з першых калажаў НАФА
With @MissingLink87 ‘s donation, we have now finessed $50852/$19795. And our agent @hro_se is on it https://t.co/acMgafEC9Y pic.twitter.com/NoLFfcnrCm
Аватарка з чуваком для аднаго з ахвярадаўцаў
Усеагульную ўвагу рух НАФА прыцягнуў да сябе на фоне публічнай спрэчкі з пастаянным прадстаўніком РФ пры міжнародных арганізацыях у Вене Міхаілам Ульянавым.
19 чэрвеня расійскі дыпламат напісаў у твітары: «Самы папулярны заходні наратыў: Расія распачала несправакаванае ўварванне ва Украіну. Несправакаванае? Украінскае войска абстрэльвае мірнае насельніцтва Данбаса з 2014 года і дагэтуль».
У рэплаях да твіта Ульянава адзін з удзельнікаў НАФА адзначыў няслушнасць аргумента дыпламата. «Вы [па сутнасці кажаце]: «Мы павінны бамбіць усё мірнае ўкраінскае насельніцтва, таму што падчас унутранай вайны ва Украіне некаторыя мірныя жыхары патрапілі пад абстрэлы». Ульянаў адказаў: «Вы сказалі гэтую лухту. Не я».
You: "we have to bomb all of Ukraine's civilians because Ukraine was fighting an internal war and some civilians got shelled"
Пасля гэтага дыялогу ў твітар дыпламата прыйшлі і іншыя ўдзельнікі НАФА, каб патроліць яго, у тым ліку штораз паўтараючы фразу пра лухту.
Цяпер шытпосцеры прыходзяць у кожны трэд расійскіх чыноўнікаў і прапагандыстаў.
Such nonsense, much bonk! ☺️ pic.twitter.com/7j1YvoLKW4
Адказ на трэд галоўнага рэдактара RT Маргарыты Сіманьян пра войска ДНР: «Такая лухта, бам!»
Словы Ульянава пра лухту сталі мемам. Дабрачынная арганізацыя St. Javelin, якая збірае грошы на падтрымку і аднаўленне Украіны, пачала прадаваць з ім футболкі, а таксама іншы мерч з НАФА.
Alright #Fellas, you wanted this nonsense, not me. Now you can get yourself a #WeAreNAFO flag on our website! #NAFO
https://t.co/dXiqEKfWhM pic.twitter.com/6RZVv5fras
Мерч з НАФА ад St. Javelin
Усяго да моманту гутаркі мастака Кама з журналістамі Motherboard суполка змагла сабраць каля 47 тысяч долараў для «Грузінскага легіёна» і 30-50 тысяч долараў на дапамогу Украіне праз продажы на сайце St. Javelin.
-
«Мы хацелі стварыць вайб «Хлопчык, гарэлачкі мне прынясі!» У Мінску пачала працаваць «Жаночая піўная» — афіцыянты там адны мужчыны
-
Муж былой кіраўніцы Міністэрства ўнутранай бяспекі ЗША любіць адзяваць жаночае і бамбічныя накладныя грудзі
-
Беларуска Аляксандра Борціч, якая здымаецца ў Расіі, змяніла акцёрскую прафесію
Каментары